Lucas 9:26 - Biblia Tetun Dili

²⁶ See mak moe simu Hau i lakohi simu Hau nia liafuan, aban-bainrua Hau, Ema Oan, mos sei moe rekonhese nia bainhira Hau fila fali mai hosi lalehan. Hau sei tuun mai ho naroman nabilan nian, ho Aman Maromak nia kbiit tomak, i anju sira nia nabilan haleu Hau.

Lucas 9:26 Iomraidhean Croise

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 25:31

Jesus hatutan tan dehan, “Hau, Ema Oan sei fila fali mai hosi lalehan ho naroman nabilan, i anju sira hotu mai hamutuk ho Hau. Hau sei tuur iha kadeira naroman nabilan hodi ukun nudar Liurai.

Mateus 26:64

Jesus hataan, “Loos duni, hanesan ita dehan nee. Maibee Hau hatete ba imi, aban-bainrua imi sei haree Hau, Ema Oan tuur iha Maromak Forsa Teb-tebes nia sorin loos. I imi sei haree Hau tuun mai hosi lalehan iha kalohan laran.”

Marcos 8:38

Hanoin didiak! Iha mundu agora nee, ema halo buat aat oi-oin. Sira la interese tuir Nai Maromak. Nunee, see mak moe tuir Hau, no moe kaer metin Hau nia hanorin, Hau mos sei moe foo sai nia iha Nai Maromak nia oin. Tanba Hau nee, Ema Loos Duni, sei mai fali ho Nai Maromak nia anju sira hosi lalehan. Ami sei tuun mai ho Aman Maromak nia forsa nabilan. Foin ema hatene see mak Hau nee, see.

João 12:43

Lider sira nee gosta liu ema mak gaba sira, dukee Maromak mak gaba sira.

João 5:44

Imi ho imi gosta gaba malu. Maibee imi la interese se Nai Maromak gaba imi, ka lae. Afinal Nia nee, Nai. La iha tan seluk. Nunee, se imi la interese Nia, oinsaa imi bele fiar ba Nia?

Apostolu sira nia Istoria 10:22

Sira hataan, “Komandante Cornélio mak haruka ami mai. Nia ema moris loos ho hamtauk ba Nai Maromak. Ema Judeu sira hotu respeita teb-tebes nia. Horiseik Nai Maromak nia anju mai haruka nia bolu senhor hodi ba iha nia uma, para nia bele rona senhor nia liafuan.”

Roma 1:16

Hau la moe foo sai Novidade Diak nee. Tanba Novidade Diak nee iha kbiit hosi Maromak hodi salva see-see deit mak fiar, primeiru ema Judeu sira, depois ema hosi nasaun sira seluk.

2 Korintu 12:10

Nunee hau haksolok bainhira hau la iha kbiit, bainhira ema hatete aat hau, bainhira hau iha susar laran, bainhira ema halo terus hau, bainhira hau hetan difikuldade oi-oin, tanba tuir Kristu. Tanba bainhira hau fraku maka hau hetan kbiit.

Galasia 6:14

Maibee ba hau, hau lakohi gaba buat ida, hau so gaba deit kona ba Nai Jesus Kristu nia mate iha krus. Tanba Nia mate ona iha krus, maka buat mundu nian la iha tan folin mai hau. I tuir ema mundu nia hanoin, hau mos hanesan mate tiha ona.

1 Timóteo 5:21

Bainhira koriji ema, la bele fihir ba ema nee see. Hau tau knaar nee ba o nia kabaas iha Nai Maromak ho iha Kristu Jesus nia oin. I anju sira nebee Maromak hili mos sai sasin.

2 Timóteo 1:12

Tanba nee mak hau terus iha kadeia. Maibee hau la moe, tanba hau konhese Kristu i fiar ba Nia. I hau hatene loloos katak Nia sei kuidadu Nia Novidade Diak nebee Nia tau ona iha hau nia kabaas, too Nia fila fali mai hosi lalehan.

2 Timóteo 2:12

Se ita aguenta iha terus laran, ita mos sei kaer ukun hamutuk ho Nia. Se ita nega Nia, Nia mos sei nega ita.

Ebreu 11:26

Iha tempu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moisés konsidera terus ida nee folin liu fali rikusoin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.

Ebreu 13:13

Tanba Jesus mate iha liur, mai ita mos sai hosi sistema uluk nian hodi baa hamutuk ho Nia iha liur nebaa. I kuandu ema hatete aat ita hanesan mos sira hatete aat Nia, ita tenki simu.

Judas 1:14

Nunee mos Enoke foo sai hori uluk kedas kona ba ema hanesan nee. Se ita sura Adão nia jerasaun, Enoke tama ba jerasaun hitu. Nia dehan nunee: “Haree baa! Ita nia Nai mai ho anju rihun ba rihun.

Apokalipse 1:7

Haree baa! Jesus sei tuun mai hosi lalehan iha kalohan laran, i ema hotu-hotu sei haree Nia, too ema nebee uluk sona Nia, sira mos sei haree. Ema hosi nasaun hotu-hotu iha mundu nee sei tanis halerik tanba Nia. Loos duni, buat nee sei sai nunee duni. Amen.

Apokalipse 20:11

Hotu tiha hau haree kadeira ukun mutin boot ida, ho mos Ida nebee tuur iha kadeira ukun nee. Derepenti deit lalehan ho rai halai sees hosi Nia futar oin too lakon tiha.

Apokalipse 21:8

Maibee sira nebee hakiduk tanba tauk, sira nebee la fiar, ema nebee hanoin no halo sala foer oi-oin, oho-door, ema nebee halo relasaun seksual ho ema nebee laos nia feen ka laen, ema matandook no ema nebee kaer ai kulit aat, sira nebee adora lulik, ema bosok-teen, sira nee hotu-hotu Hau sei soe tama ba iha ahi lakan boot nia laran. Ida nee mak mate ba dala rua.”

Apokalipse 3:5

See mak manaan, nia mos sei hatais hena mutin hotu. Hau sei la hamoos nia naran hosi lista ema moris rohan-laek nian. I aban-bainrua iha Hau nia Aman nia oin ho mos anju sira nia oin, Hau sei foo sai katak, nia nee Hau nia ema.