Lucas 9:24 - Biblia Tetun Dili

²⁴ Tanba see mak hakarak salva nia aan, nia sei lakon nia vida. I see mak lakon nia vida tanba nia tuir Hau, nia sei hetan moris rohan-laek.

Lucas 9:24 Iomraidhean Croise

Mateus 10:39

Ema nebee hanoin liu nia moris iha mundu nee, nia sei lakon nia moris. Maibee see mak lakon nia moris iha mundu nee tanba nia tuir Hau, nia sei hetan moris rohan-laek.”

Lucas 17:33

See mak hakarak salva nia aan, nia sei lakon nia moris. I see mak lakon nia moris, nia sei hetan moris rohan-laek.

João 12:25

Ema nebee la tuir Maromak nia hakarak, tanba nia hadomi liu nia moris iha mundu nee, aban-bainrua nia sei lakon nia moris. Maibee ema nebee foo nia moris tomak ba Maromak iha mundu nee, nia sei hetan moris rohan laek.

Ebreu 11:35

Senhora balu simu fali sira nia maluk nebee mate, tanba Maromak halo moris fila fali. Iha mos balu, ema simu terus too mate tanba sira fiar ba Nai Maromak. Sira lakohi nega Nai Maromak para ema hasai sira hosi terus nee, tanba sira laran metin katak, bainhira sira mate, sira sei simu fali moris ida nebee diak liu.

Apokalipse 12:11

Ita nia maun-alin ema fiar sira manaan tiha ona samea ulun hitu nee, Tanba Bibi Oan nia raan nebee fakar hodi salva sira, i tanba sira foo sai nafatin Nai Maromak nia liafuan. Maski ema atu oho sira mos sira la hakiduk.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.