Lucas 9:19 - Biblia Tetun Dili

¹⁹ Sira hataan, “Iha balu dehan, Ita Boot João Sarani Nain. Balu tan dehan, Maromak nia profeta Elias. Balu tan dehan Ita Boot profeta seluk nebee mate kleur ona, i agora moris fali.”

Lucas 9:19 Iomraidhean Croise

Mateus 14:2

too nia hatete ba nia funsionariu sira, “Ema nee João Sarani Nain mak moris fali ona hosi mate. Nee mak Nia iha kbiit hodi halo milagre.”

Mateus 3:1

Molok Jesus hahuu Nia knaar, João Sarani Nain komesa hanorin ema iha rai fuik maran iha rai Judeia.

Marcos 6:14

Iha tempu nee, ema iha fatin-fatin hatene ona kona ba Jesus. I liurai Erodes mos rona kona ba Jesus nia kbiit. Iha ema balu dehan, “Jesus nee João Sarani Nain. Nia moris fali iha Jesus nia Aan. Tanba nee mak Nia bele halo milagre barak.”

Marcos 6:15

Iha ema balu hatete, “Laos! Jesus nee, Nai Maromak nia ibun ho nanaal Elias mak moris fali ona.” Iha ema balu tan dehan, “Jesus nee, Maromak nia ibun ho nanaal ida, hanesan Maromak nia ibun ho nanaal sira uluk.”

Lucas 9:18

Iha loron ida, Jesus mesak halo hela orasaun iha fatin ida, i Nia eskolanti sira besik Nia. Hotu tiha, Nia husu ba sira, “Tuir ema barak konta, Hau nee see?”

Lucas 9:20

Jesus husu tan, “Tuir imi rasik, Hau nee see?” Pedro hataan, “Ita Boot nee Mesias, Salvador nebee Maromak promete hori uluk ona atu haruka mai.”

João 1:21

I sira husu tan dehan, “Se nunee, see mak o? Profeta Elias, ka?” Nia hataan dehan, “Nee mos lae!” I sira husu tan, “Keta halo be o nee, Maromak nia profeta ida tan?” Nia hataan dehan, “Nee mos lae.”

João 1:25

I sira husu ba João dehan, “Entaun, se o laos Kristu, laos Elias, i laos Maromak nia profeta ida tan, tanba saa o sarani ema? O hetan direitu hosi nebee?”

João 7:40

Ema barak nee rona Jesus koalia nunee, iha ema balu koalia dehan, “Ema Ida nee, Nai Maromak nia profeta nebee Nia promete ona hori uluk atu haruka mai.”

João 9:17

Entaun ema Farizeu sira husu fila fali ba ema nebee uluk matan delek nee dehan, “Tuir o, Ema Ida nebee kura o nia matan nee, Nia ema hanesan saida?” Nia hataan, “Tuir hau, Nia nee, Maromak nia profeta ida.”