Lucas 9:16 - Biblia Tetun Dili

¹⁶ Jesus foti paun fuan lima ho ikan rua nee, i Nia hateke ba lalehan hodi foo agradese ba Nai Maromak. Nia silu paun ho ikan halo rohan-rohan, i foo ba Nia eskolanti sira hodi baa fahe ba ema barak nee.

Lucas 9:16 Iomraidhean Croise

Mateus 14:19

Depois Jesus haruka ema barak nee tuur hotu iha duut leten. Nia foti paun fuan lima ho ikan rua nee, i hateke ba lalehan hodi foo agradese ba Maromak. Nia silu paun halo rohan-rohan, i foo ba Nia eskolanti sira hodi baa fahe ba ema barak nee.

Mateus 15:36

Nia foti paun fuan hitu ho ikan nee hodi foo agradese ba Maromak. Nia silu halo rohan-rohan, i foo ba Nia eskolanti sira hodi fahe ba ema barak nee.

Marcos 7:34

Depois Jesus hateke ba leten. Nia dada iis tiha, i hatete ho sira nia lian Aram dehan,“Efata!” (Nee katak, “Nakloke ona baa!”)

Lucas 22:19

Depois Nia foti paun fuan ida hodi agradese ba Nai Maromak. Nia silu paun nee foo ba Nia eskolanti sira hodi hatete, “Nee Hau nia isin nebee Hau foo ba imi. Halo hanesan nee nafatin hodi hanoin Hau.”

Lucas 24:30

Bainhira sira tuur iha meza hodi haan, Jesus foti paun, i foo agradese ba Nai Maromak. Depois Nia silu paun nee halo rohan-rohan hodi foo ba sira nain rua.

Lucas 9:15

Sira mos halo tuir. Bainhira ema tuur hotu ona,

Lucas 9:17

Sira hotu haan too bosu. I eskolanti sira baa tau hamutuk hahaan restu sira nee iha bote sanulu resin rua nakonu.

João 6:11

Tuir mai, Jesus foti paun sira nee, Nia agradese ba Maromak. Depois Nia fahe ba Nia eskolante sira, i sira hodi baa fahe ba ema barak nee. Nia halo nunee mos ho ikan sira nee. Ema hotu haan too bosu.

Apostolu sira nia Istoria 27:35

Depois Paulo foti paun, halo orasaun agradese ba Nai Maromak iha ami hotu nia oin, i nia silu paun pedasuk ida ba haan.

Roma 14:6

Ema nebee konsidera liu loron balu deit, nia halo nunee atu hatudu nia respeitu ba ita nia Nai. I ema nebee haan naan, nia haan naan atu hatudu respeitu ba ita nia Nai, tanba nia foo agradese ba Maromak. Nunee mos ba ema nebee la haan naan, nia mos halo nunee atu hatudu respeitu ba ita nia Nai, i nia mos foo agradese ba Maromak.

1 Korintu 10:30

Se hau halo orasaun hodi agradese ba Maromak molok atu haan, nusaa mak bainhira hau haan, ema foo sala fali hau?

1 Korintu 11:24

hodi agradese ba Maromak. Nia silu paun nee hodi hatete, “Nee Hau nia isin, Hau foo hodi salva imi. Halo hanesan nee nafatin hodi hanoin Hau.”