Lucas 9:11 - Biblia Tetun Dili

¹¹ Maibee ema barak rona katak Jesus atu baa nebaa, i sira mos tuir. Jesus simu sira ho diak. Nia foo sai ba sira kona ba Nai Maromak ukun nudar Liurai, i Nia kura ema sira nia moras hotu.

Lucas 9:11 Iomraidhean Croise

Mateus 14:14

Bainhira Jesus tuun hosi bero, Nia haree ema barak hein hela Nia iha nebaa. Nia hanoin teb-tebes sira, i Nia kura sira nebee moras.

Mateus 21:31

Konta tiha hotu, Jesus husu ba sira, “Tuir imi nia hanoin, oan rua nee, ida nebee mak halo tuir nia aman nia hakarak?” Sira hataan, ‘Oan mane boot.’ Jesus dehan ba sira, “Hau hatete loloos ba imi, kobrador impostu ho feto luroon sira sei tama iha Maromak nia reinu uluk fali imi.

Mateus 21:43

“Nee duni Hau hatete ba imi, Maromak sei hasai Nia reinu hosi imi. Nia sei hili fali povu seluk nebee sei halo tuir Nia hakarak.

Lucas 1:53

Nia foo hahaan didiak ba ema nebee hamlaha, too sira bosu, maibee Nia haruka ema riku sai ho liman mamuk.

Lucas 5:31

Jesus hatete ba sira, “So ema moras mak presiza doutor, ema isin diak lae.

Lucas 8:1

Hotu tiha, Jesus lao hosi sidade ba sidade ho aldeia ba aldeia hodi foo sai Novidade Diak kona ba Nai Maromak ukun nudar Liurai. Nia eskolanti nain sanulu resin rua akompanha Nia.

Lucas 8:10

Jesus hataan, “Uluk ema seidauk hatene Nai Maromak ukun nudar Liurai. Agora Hau foo sai momoos ba imi. Maibee ba ema seluk, Hau hanorin sira uza komparasaun deit, atu nunee ‘Sira haree, maibee hanesan sira la haree. Sira rona, maibee sira la komprende.’ ”

Lucas 9:10

Bainhira Jesus nia apostolu sira fila fali mai, sira konta ba Jesus buat hotu-hotu nebee sira halo ona. Depois Jesus lori sira sees aan baa iha aldeia Betsaida.

Lucas 9:12

Loro atu monu ona, apostolu nain sanulu resin rua baa Jesus hodi dehan, “Diak liu haruka ema sira nee baa buka hahaan iha aldeia-aldeia nebee besik, i haruka sira mos baa buka fatin hodi toba, tanba iha nee rai fuik.

Lucas 9:2

Nia haruka sira baa foo sai kona ba Maromak ukun nudar Liurai, no kura ema moras.

João 4:34

Maibee Jesus hatete, “Nai Maromak haruka Hau mai hodi halo tuir Nia hakarak, no halao Nia serbisu too remata. Ida nee mak hanesan hahaan ba Hau.

João 6:37

Afinal ema hotu nebee Hau nia Aman hili ona para sai Hau nia ema, sira sei mai ba Hau. I ema nebee mai iha Hau, Hau la duni nia sai.

Apostolu sira nia Istoria 28:31

I nia konta ba sira kona ba Nai Maromak nia reinu, ho hanorin kona ba Nai Jesus Kristu. Nia koalia ho brani, i la iha ema ida bandu nia. Senhor Teófilo mak diak. Hau nia liafuan too iha nee deit. Obrigadu. Hosi hau, Lucas

Roma 10:14

Maibee oinsaa mak ema bele husu tulun ba Nia se sira la fiar ba Nia? Oinsaa mak sira bele fiar ba Nia se sira nunka rona kona ba Nia? Oinsaa mak sira bele rona kona ba Nia se la iha ema ida mak baa foo sai ba sira?

Roma 10:17

Nunee, ema bele fiar deit liu hosi rona Novidade Diak kona ba Kristu. I para rona, tenki iha ema ruma mai foo sai ba sira.

Roma 15:3

Tanba Kristu rasik la buka moris deit ba Nia Aan. Iha Livru Sagradu, Kristu dehan ba Maromak, “Liafuan aat nebee ema hatete ba Ita Boot monu mos mai Hau.”

2 Timóteo 4:2

foo sai Nai Maromak nia liafuan; iha tempu diak ka la diak, o tenki prontu. Koriji ema nebee halo sala, i bandu sira para la bele halo sala tan. Hametin ema nia laran. Halo buat sira nee hotu ho pasiensia, liu hosi hanorin Nai Maromak nia liafuan.

Ebreu 4:16

Entaun mai ita brani hakbesik aan ba Nai Maromak. Nia mak ukun buat hotu-hotu, i Nia sempre hatudu Nia grasa mai ita. Se ita hakbesik aan ba Nia, Nia sei hatudu domin mai ita hodi tulun ita iha tempu susar nia laran.