Lucas 9:1 - Biblia Tetun Dili

¹ Iha loron ida, Jesus halibur Nia apostolu nain sanulu resin rua hodi foo kbiit ba sira para bele duni sai espiritu aat hosi ema no kura moras oin-oin.

Lucas 9:1 Iomraidhean Croise

Mateus 16:19

Hau sei foo xavi reinu lalehan nian ba o. Saida mak o bandu iha mundu nee, iha lalehan mos bandu. I saida mak o foo lisensa atu halo iha mundu nee, iha lalehan mos foo lisensa.”

Mateus 4:24

Buat nebee Jesus halo, ema konta iha nebee ba nebee too iha provinsia Síria tomak. Ema barak mai lori sira nia maluk nebee iha moras oi-oin, balu espiritu aat tama iha laran, balu moras bibi maten, liman-ain mate ho moras selu-seluk tan. I Jesus kura tiha moras sira nee hotu.

Mateus 8:9

Hau hatene nunee tanba hau nia komandante sira mos iha kbiit atu foo orden mai hau. Nunee mos, hau iha kbiit atu foo orden ba hau nia soldadu sira. Se hau manda hau nia soldadu ida dehan, ‘Baa nebaa!’, nia mos baa. Se hau hatete, ‘Mai iha nee!’, nia mai. I se hau haruka hau nia atan dehan, ‘Halo ida nee!’, nia halo duni.”

Lucas 10:1

Tuir mai, Nai Jesus hili tan eskolanti nain hitu-nulu resin rua, depois Nia haruka sira rurua baa uluk iha fatin-fatin nebee Nia atu baa.

Lucas 10:19

Hau foo ona kbiit ba imi atu sama samea ho sakunar. Kbiit nebee Hau foo nee, boot liu fali imi nia inimigu Satanás nia kbiit. La iha buat ida bele halo aat imi.

João 14:12

Hau nia liafuan nee loos! Ema nebee fiar Hau, nia sei halo buat nebee Hau halo. Maibee, tanba Hau baa hamutuk ho Hau nia Aman, ema nebee fiar Hau sei halo buat nebee Hau halo, i bele halo liu tan.

Apostolu sira nia Istoria 1:8

Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

Apostolu sira nia Istoria 3:16

Nai Jesus nee Nia poder mak halo ema ain aat nee agora lao diak tiha ona. Imi rasik konhese nia i haree katak nia diak ona. Ema nee hetan kura, tanba ami fiar ba Nai Jesus.

Apostolu sira nia Istoria 4:30

Ami mos husu Nai Maromak foo poder mai ami, atu ami bele kura ema moras, i halo milagre, ho sinal oi-oin, para ema hatene katak, kbiit nee mai hosi Ita Boot nia Oan Santu Jesus.”

Apostolu sira nia Istoria 9:34

Pedro dehan ba nia, “Eneias, agora duni, Nai Jesus Kristu kura o. Hamriik ona! Aruma o nia kama ba!” I nia hamriik kedas.