Lucas 8:7 - Biblia Tetun Dili

⁷ Fini balun monu iha duut tarak laran. Fini ho duut tarak moris hamutuk, maibee la kleur duut tarak nee habit mate tiha fini nee.

Lucas 8:7 Iomraidhean Croise

Jenesis 3:18

Rai sei foo duut aat ho ai tarak; maski nunee o sei hetan ai-haan hosi toos.

Mateus 13:22

Fini nebee monu iha duut tarak laran mak ema nebee rona Maromak nia Liafuan, maibee nia preokupa ho nia moris loro-loron nian, i matan naklosu ba rikusoin mundu nian. Nia preokupasaun nee la foo fatin ba Maromak nia Liafuan, nunee la halo ema nee buras.

Mateus 13:7

Fini balu monu iha duut tarak laran. Maibee duut tarak aumenta boot i habit fini nee too mate.

Marcos 4:7

Iha fini balu tan, monu iha duut tarak laran. Fini nee moris duni. Maibee duut tarak habit hela deit, too nia la foo isin.

Lucas 21:34

Jesus hatutan tan dehan, “Matan moris neon nain! Keta halo festa hela deit, keta sai lanu-teen, no keta hanoin liu ba mundu nia hakarak. Se lae, bainhira Hau fila fali mai derepenti, imi hanesan animal fuik nebee molok hakfodak mono ba iha lasu.

Lucas 8:14

Fini nebee monu iha duut tarak laran, mak ema nebee rona Maromak nia liafuan, maibee sira preokupa ho sira nia moris ho sira nia rikusoin, i buka goza deit. Nunee, sira nia fiar la baa oin, i sira nia moris nunka foo rezultadu diak.

Lucas 8:6

Fini balu monu iha rai fatuk. Fini nee moris duni, maibee la kleur namlaik tiha, tanba rai ituan deit.

Lucas 8:8

Iha tan fini balu monu iha rai bokur, i moris too foo isin. Fini sira nee, ida-idak foo fali musan atus ida.” Konta tiha hotu, Jesus hatete ho lian makaas, “Imi nebee iha tilun hodi rona, rona didiak mai!”