Lucas 8:50 - Biblia Tetun Dili

⁵⁰ Rona nunee, Jesus hatete ba Jairo, “Lalika tauk. Fiar deit, mak ita nia oan sei moris fali.”

Lucas 8:50 Iomraidhean Croise

Marcos 5:36

Maibee Jesus la interese ema nee nia koalia, i Nia hatete ba Jairo, “Keta laran susar! Ita fiar deit ba Maromak.”

Marcos 9:23

Jesus hataan, “Nusaa mak o dehan ‘se bele’? Hau bele halo buat hotu-hotu, naran katak ema fiar.”

Lucas 8:48

Jesus dehan ba nia, “Hau nia oan, o hetan kura tanba o fiar mai Hau. Fila ho diak.”

Lucas 8:51

Bainhira sira too iha Jairo nia uma, ema barak iha tiha ona nebaa, sira tanis lelir hela. Jesus hatete ba sira, “Imi lalika tanis tan ona. Labarik nee la mate ida, nia toba deit!” Maibee sira hamnasa fali Jesus, tanba sira rasik haree labarik nee mate tiha ona. Jesus husu ba labarik nia inan-aman, ho mos Pedro, João ho Tiago, tama ba laran hamutuk ho Nia. Sira seluk Nia haruka hein iha liur.

João 11:25

Entaun Jesus hatete, “Ema nebee mate, Hau mak halo moris fila fali no Hau mak foo moris loloos. Ema nebee fiar mai Hau sei hetan moris nee, maski nia mate.

João 11:40

Jesus foo hanoin ba nia dehan, “Ita sei hanoin, ka lae? Hau foo hatene ona dehan, se ita fiar teb-tebes mai Hau, ita sei haree Nai Maromak nia naroman-nabilan.”

Roma 4:17

Iha Livru Sagradu, Maromak promete ba Abraão dehan, “Hau sei halo o sai nasaun barak nia aman.” Abraão fiar ba Maromak, tanba Maromak mak halo moris fali ema mate, i Nia koalia deit, buat nebee la iha, bele iha kedas.

Roma 4:20

Abraão nia fiar la nakdoko, nia la duvida katak Maromak sei kumpri Nia promesa. Maibee nia fiar metin liu tan i nia foti aas Maromak nia naran.