Lucas 8:43 - Biblia Tetun Dili

⁴³ Iha ema lubun boot nee, iha feto ida, nia fulan mai la para durante tinan sanulu resin rua. Nia faan tiha nia sasaan hotu hodi baa konsulta iha doutor sira, maibee la iha ema ida mak bele kura nia moras.

Lucas 8:43 Iomraidhean Croise

Marcos 12:44

Ema sira seluk foo oferta hosi sira nia osan resin. Maibee feto faluk kiak nee, foo tiha nia osan hotu ba Nai Maromak.”

Marcos 9:18

Bainhira espiritu aat nee ataka ona, nia riba labarik nee ba rai. Nia kabeen mutin sai, i halo nia ruun nehan. Depois nia isin toos tiha, hanesan ai. Hau husu ona ba Ita Boot nia eskolanti sira, para duni sai tiha espiritu aat nee. Maibee sira la bele halo buat ida.”

Lucas 13:11

Iha nebaa iha senhora ida nebee bonko durante tinan sanulu resin walu ona, tanba espiritu aat mak halo nia nunee. Nia kotuk kleuk loos, atu hamriik loos ituan mos la bele.

Lucas 13:16

Senhora nee Abraão nia jerasaun hanesan mos ita. Satanás kesi metin nia durante tinan sanulu resin walu ona. Ohin Hau hasai nia hosi Satanás nia liman laran iha loron Sabadu, halo nusaa mak bele sala?!”

Lucas 8:27

Iha fatin nee, iha mane ida, espiritu aat tama iha nia laran kleur ona. Nia hosi sidade, maibee la hela iha uma, hela deit iha rate, i nia isin molik deit. Espiritu aat sira ataka nia dala barak ona. Ema kesi nia liman-ain bebeik ho korenti, maibee nia sempre rasta kotu hotu. I espiritu aat sira obriga nia halai ba iha rai fuik. Bainhira Jesus tuun hosi bero, ema nee mai hasoru Nia. Nia hakilar i hakneak hakruuk too rai iha Jesus nia ain. Depois Jesus haruka espiritu aat sai hosi nia. Ema nee hakilar dehan, “Jesus, Nai Maromak Aas Liu nia Oan. O hakarak halo saida mai hau? Hau husu ba O, keta kastigu hau!”

Lucas 8:44

Feto nee baa besik iha Jesus nia kotuk, nia kona kois Jesus nia hena tutun, i nia raan paara kedas.

João 9:1

Liu tiha nee, Jesus sira lao dadaun, Nia haree ema matan delek ida, hahuu hosi moris mai.

João 9:21

Maibee ami la hatene, nia tau saida mak agora nia diak tiha ona nee. See mak kura nia matan, ami la hatene. Nia boot ona, husu deit ba nia, tanba nia bele konta rasik.”

Apostolu sira nia Istoria 3:2

Sira foin atu tama ba iha portaun naran ‘portaun kapaas’, sira haree mane ida ain aat, lao la diak, komesa nia moris. Loro-loron ema hulan nia baa tau iha nebaa, atu nia bele husu ezmola ba ema nebee mak tama ba iha Uma Kreda nee.

Apostolu sira nia Istoria 4:22

Afinal, ema nee ain aat durante tinan haat-nulu resin ona, foin nia hetan kura.