Lucas 8:41 - Biblia Tetun Dili

^41-42 Iha nebaa iha ema ida naran Jairo, nia mak responsavel uma kreda iha sidade nee. Nia oan ida deit, feto ida ho tinan sanulu resin rua. Labarik nee moras boot, besik atu mate. Entaun Jairo baa hakneak i hakruuk too rai iha Jesus nia ain hodi husu ho laran tomak para Jesus baa iha nia uma. Jesus lao dadauk ba Jairo nia uma, ema barak akompanha Nia too sena malu.

Lucas 8:41 Iomraidhean Croise

Lucas 13:14

Maibee responsavel iha uma kreda nee hirus, tanba Jesus kura fali ema iha loron Sabadu. Nia hatete ba ema hotu iha uma kreda laran nee dehan, “Semana ida iha loron neen hodi halo serbisu. Nunee, ema moras sira bele mai deit iha loron serbisu nee para bele hetan kura. La bele mai fali iha loron Sabadu.”

Lucas 17:16

Too iha nebaa, nia hakneak ho hakruuk too rai iha Jesus nia ain hodi agradese ba Nia. Afinal, ema nee ema Samaria, laos ema Judeu.

Lucas 5:8

Bainhira sira haree saida mak akontese, Simão Pedro ho nia kolega sira iha bero laran nee admira teb-tebes. Nia maluk peskador Tiago ho João, Zebedeu nia oan, mos admira. Entaun Simão baa hakneak kedas iha Jesus nia ain hodi dehan, “Nai, Ita Boot keta besik hau, tanba hau ema sala nain.” Maibee Jesus hataan, “Lalika tauk. Imi baibain buka ikan. Maibee komesa agora ba oin imi sei buka fali ema para tuir Hau.”

Lucas 8:49

Jesus sei koalia hela, ema ida mai hosi Jairo nia uma foo hatene ba Jairo, “senhor nia oan iis kotu tiha ona. Lalika halo kolen tan Mestri.”

João 11:21

Marta foo hatene ba Jesus dehan, “Senhor, se Ita Boot iha nee, hau nia alin la mate.

Apostolu sira nia Istoria 13:15

Hanesan baibain, ema lee liafuan balu hosi profeta Moisés nia livru, ho profeta sira seluk nia hakerek. Depois sira nebee toma konta uma kreda nee haruka ema husu ba Paulo ho Barnabé dehan, “Irmaun sira. Se imi iha liafuan ruma atu foo sai mai ami, para hametin ami nia laran, bele koalia.”

Apostolu sira nia Istoria 18:17

Ema lubuk boot nebee halibur malu hela kaer tiha ema ida naran Sóstenes. Nia mak toma konta uma kreda ema Judeu sira nian. Sira lori nia tama ba tribunal i baku nia iha governador nia oin. Maibee governador la interese.

Apostolu sira nia Istoria 18:8

La kleur, Krispu, nebee lider iha uma kreda nee, ho ema hotu iha nia uma laran, fiar ba Nai Jesus. Nunee mos ema Korintu barak tan nebee rona Paulo nia koalia, komesa fiar ba Jesus. Depois sira hotu simu sarani.

Apostolu sira nia Istoria 9:38

Sarani sira rona dehan Pedro iha Lida, laduun dook hosi Jope. Nunee sira haruka ema nain rua baa bolu nia dehan, “Senhor, favor baa lalais Jope.”

Apokalipse 5:8

Bainhira Bibi Oan simu livru nee, animal moris haat ho katuas lia nain rua-nulu resin haat nee hakneak i hakruuk too rai iha Nia oin. Sira ida-idak kaer buat ida hanesan viola, i kaer mos manko osan mean ida, ai been morin nakonu iha laran. Ai been morin nee mak Maromak nia povu sira nia orasaun.