Lucas 8:31 - Biblia Tetun Dili

³¹ Depois espiritu aat sira husu bebeik ba Jesus atu la bele haruka sira baa iha rai kuak klean nakukun.

Lucas 8:31 Iomraidhean Croise

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Lucas 8:32

Iha tempu nebaa, iha fahi barak teb-tebes haan hela iha foho lolon. Espiritu aat sira husu fila-fila ba Jesus para haruka sira ba tama iha fahi sira nee. I Jesus konkorda.

Roma 10:7

Ka husu see mak atu tuun ba iha matebian sira nia fatin? (hodi lori Kristu sae fali hosi mate)”

Apokalipse 11:7

Bainhira sasin nain rua nee foo sai tiha hotu Nai Maromak nia lia menon, animal siak ida sei sai hosi rai kuak klean nakukun. Animal nee sei ataka sira nain rua, animal nee mak forti liu i oho tiha sira

Apokalipse 17:8

Animal siak nee uluk moris iha mundu, maibee agora la iha tiha ona. Aban-bainrua nia sei mosu fali mai hosi rai kuak klean nakukun. Bainhira nia mosu fali mai, ema hotu-hotu iha mundu nebee naran la tau iha lista ema moris rohan-laek nian molok Maromak halo mundu nee, sira sei admira haree animal siak nee. Tanba animal siak nee uluk moris, depois la iha tiha ona, maibee too ikus mosu fali. Maski nunee Maromak sei halo rahun tiha nia.

Apokalipse 19:20

Maibee Ema nebee sae kuda mutin nee manaan tiha animal siak nee ho nia profeta falsu. Profeta falsu nee mak uluk hatudu nia milagre boboot hodi animal siak nia naran. Ho milagre sira nee nia bosok ema hotu-hotu nebee simu ona animal siak nia marka i adora animal nee nia estatua. Agora Ema ida nebee sae kuda mutin nee kaer animal siak nee ho nia profeta falsu, i soe moris sira nain rua ba iha ahi lakan boot nia laran.

Apokalipse 9:11

Gafanhotu sira nia liurai mak anju ida nebee toma konta ba rai kuak klean nakukun. Nia naran ho lian Ebreu dehan, Ábadon, ho lian Gregu dehan, Apólion. Naran rua nee dehan, “Harahun door”.