Lucas 8:21 - Biblia Tetun Dili

²¹ Maibee Jesus hataan, “Hau nia inan ho Hau nia alin sira mak ema nebee rona Nai Maromak nia liafuan hodi halo tuir.”

Lucas 8:21 Iomraidhean Croise

Mateus 17:5

Pedro sei koalia hela nunee, derepenti kalohan nabilan ida tuun mai falun tiha sira. I lian ida sai hosi kalohan nee dehan, “Ida nee Hau nia Oan doben. Nia halo Hau nia laran haksolok teb-tebes. Imi tenki rona Nia!”

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 25:45

Hau sei hataan, ‘Hau hatete loloos ba imi! Bainhira imi la halo buat sira nee ba Hau nia maluk ida, maski la halo ba ema kiik ida mos, nee hanesan imi la halo mai Hau.’

Mateus 28:10

I Jesus hatete ba sira, “La bele tauk. Baa foo hatene Hau nia maun-alin sira para sira baa iha Galileia. I iha nebaa sira sei haree Hau.”

Lucas 8:15

Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

Lucas 8:20

Iha ema ida foo hatene ba Jesus dehan, “Ita Boot nia inan ho alin sira iha hela liur. Sira hakarak hasoru Ita Boot.”

João 13:17

Tanba imi hatene ona buat sira nee, imi hetan sorti boot se imi halo tuir nunee.

João 20:17

Jesus foo hatene ba nia dehan, “Keta kaer Hau lai, tanba Hau seidauk sae ba Hau nia Aman iha lalehan. Maibee, senhora baa uluk, foo hatene ba Hau nia alin sira dehan, ‘Hau atu sae ba Hau nia Aman. Nia mos imi nia Aman. Nia mak Hau nia Maromak, no mos imi nia Maromak.’ ”

2 Korintu 5:16

Tanba nee, komesa agora ami la julga tan ema nia moris tuir sasukat mundu nian. Uluk ami julga duni Kristu nunee, maibee agora lae ona.

2 Korintu 6:18

“Hau sei sai imi nia Aman, i imi sei sai Hau nia oan mane no oan feto. Ida nee mak Nai Maromak Forsa teb-tebes nia liafuan.”

Tiago 1:22

Nai Maromak nia Liafuan nee, imi tenki halo tuir, la bele rona deit! Se lae, imi bosok imi nia aan rasik.

1 João 2:29

Imi hatene ona katak Jesus Kristu sempre halo buat nebee mak loos. Nunee bainhira ema halo bebeik buat nebee mak loos, imi konhese katak, ema nee Nai Maromak nia oan.

3 João 1:11

Irmaun Gaio nebee hau hadomi, la bele halo tuir ema nia hahalok aat, maibee halo tuir nafatin ezemplu nebee diak. See mak halo buat diak, nia Nai Maromak nia ema. Maibee see mak halo buat aat, nia seidauk konhese Nai Maromak.