Lucas 8:15 - Biblia Tetun Dili

¹⁵ Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

Lucas 8:15 Iomraidhean Croise

Mateus 24:13

Maibee ema nebee tuir nafatin Hau too rohan, Maromak sei salva nia.

Lucas 11:28

Jesus hataan, “Maibee ema nebee rona Nai Maromak nia liafuan i halo tuir, nia mak hetan bensaun boot liu.”

Lucas 6:45

Nunee mos ho ema. Ema nebee diak koalia buat diak, tanba nia laran mos diak. I ema nebee aat koalia buat aat, tanba nia laran mos aat. Tanba buat nebee nia koalia, sai hosi nia fuan-laran.”

Lucas 8:14

Fini nebee monu iha duut tarak laran, mak ema nebee rona Maromak nia liafuan, maibee sira preokupa ho sira nia moris ho sira nia rikusoin, i buka goza deit. Nunee, sira nia fiar la baa oin, i sira nia moris nunka foo rezultadu diak.

Lucas 8:16

Jesus halo komparasaun ida tan nunee: “La iha ema ida sunu ahi-oan, depois taka tiha ho sanan rai ka tau fali iha kama okos. Maibee ahi-oan, ema tenki tau iha fatin aas, atu bele foo naroman ba ema nebee tama mai.

João 14:15

Jesus kontinua koalia, “Se imi hadomi Hau, imi tenki halo tuir Hau nia ukun-fuan sira.

João 15:10

Se imi halo tuir Hau nia ukun-fuan sira, entaun imi metin nafatin ho Hau, nunee Hau bele hatudu Hau nia domin nafatin ba imi. Nee hanesan Hau halo tuir Hau nia Aman nia ukun-fuan, para Nia hatudu nia domin nafatin mai Hau.

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

Roma 6:22

Maibee agora Maromak halo imi livre ona hosi sala, i imi sai ona Maromak nia atan. Buat diak nebee imi simu mak nee: Imi sai ema nebee moris ho laran moos, nunee iha ikus imi sei hetan moris rohan-laek.

Roma 7:18

Hau hatene katak, nudar ema kriatura la iha buat diak ida iha hau nia laran. Tanba hau hakarak duni halo buat nebee diak maibee la konsege.

Roma 7:4

Maun-alin sira, agora ita laos moris iha lei nia okos. Tanba kona ba lei, ita hanesan mate tiha ona hamutuk ho Kristu. Maibee ita sai fali atan ba Ema seluk ida, Ema nee mak Kristu. Nia moris fali ona hosi mate, para ita bele serbii Maromak.

Roma 8:25

Maibee se ita seidauk hetan, ita hein ho pasiensia nafatin.

1 Korintu 7:19

Tanba sunat ka la sunat, nee la importante. Importante mak ita halo tuir Maromak nia ukun fuan.

Efezu 2:8

Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

Filipi 1:11

Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.

Kolose 1:10

Ho nunee, imi nia moris foti aas Nai Jesus nia naran, i sempre halo haksolok Nia laran. Imi mos sei foo fuan iha imi nia serbisu nebee diak, i sei buras hodi konhese Maromak diak liu tan.

Kolose 1:6

i buras ba bebeik hodi muda ema nia moris iha fatin bara-barak. Nunee mos muda imi nia moris, komesa hosi loron primeiru imi rona Novidade Diak nee hodi komprende loloos Nai Maromak nia grasa.

Ebreu 10:36

Aguenta ho pasiensia deit baa, atu nunee imi halo tuir nafatin Nai Maromak nia hakarak, i too ikus imi simu buat hotu-hotu nebee Nia promete ona ba imi.

Ebreu 2:1

Tanba nee, ita tenki kaer metin liu tan lia loos nebee ita rona tiha ona, para ita la bele husik ita nia fiar.

Tiago 1:4

Imi tenki kontinua metin nafatin too imi sai ema nebee diak, la iha frakeza ida, i prontu atu hasoru saida deit.

1 João 2:3

Oinsaa mak ita bele hatene loloos katak ita konhese Nai Maromak? Ita hatene tanba ita halo tuir Nia ukun-fuan.