Lucas 8:13 - Biblia Tetun Dili

¹³ Fini nebee monu iha rai fatuk, mak ema nebee rona Maromak nia liafuan i simu ho haksolok, maibee sira nia abut la tama ba rai. Sira fiar duni, maibee bainhira sira hasoru provasaun ruma, sira husik kedas.

Lucas 8:13 Iomraidhean Croise

Marcos 6:20

I nia haruka soldadu sira hein João didiak. Liurai Erodes tauk no respeita hela ba João. Tanba nia hatene João nee, Nai Maromak mak haruka mai, i nia mos laran diak. Erodes gosta rona João nia koalia. Maibee dalaruma, kuandu nia rona João nia koalia, nia laran la hakmatek.

Lucas 8:12

Fini nebee monu iha dalan, mak ema nebee rona Maromak nia liafuan, maibee diabu mai hadau tiha hosi sira nia laran. Entaun sira la fiar ba Maromak, i la hetan salvasaun.

Lucas 8:14

Fini nebee monu iha duut tarak laran, mak ema nebee rona Maromak nia liafuan, maibee sira preokupa ho sira nia moris ho sira nia rikusoin, i buka goza deit. Nunee, sira nia fiar la baa oin, i sira nia moris nunka foo rezultadu diak.

João 15:2

Ema nebee dehan nia hamutuk ho Hau, maibee la halo buat ida, Hau nia Aman sei soe tiha nia, hanesan toos nain tesi tiha sanak sira nebee la foo fuan. Maibee ema hotu nebee metin ho Hau, Hau nia Aman sei hamoos foer iha nia laran, hanesan toos nain tesi sai tiha sanak sira nebee la foo fuan para nia foo fuan barak liu.

João 15:6

Ema nebee la metin nafatin ho Hau, nia hanesan sanak nebee la iha folin. Sanak hanesan nee, toos nain tesi soe tiha, para sai ai maran. Depois ema halibur ai maran nee hodi baa sunu tiha.

João 5:35

João nia koalia nee, hanesan ahi oan ida nebee lakan hodi foo naroman. Bainhira nia sei lakan hela, imi nia laran haksolok.

1 Korintu 13:2

Se karik hau iha kbiit hodi foo tutan Maromak nia lia menon, hau komprende Nia segredu hotu, hau hatene buat hotu-hotu, i hau fiar makaas too hau bele muda foho, maibee hau la iha domin, hau la iha folin ida.

1 Korintu 15:2

Liu hosi Novidade Diak nee, imi hetan salvasaun, naran katak imi fiar metin. Se lae, imi nia fiar saugati deit.

Galasia 3:1

Imi ema Galasia, imi beik-teen liu! See mak bosok imi sai tiha nunee? Uluk hau foo hatene momoos tiha ona ba imi kona ba Jesus Kristu nia mate iha krus.

Galasia 3:4

Imi hetan terus barak ona tanba imi fiar ba Kristu. Keta halo be imi nia terus sira nee sai saugati deit.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 2:7

Fiar metin nafatin ba Nia, hanesan ai huun nebee abut tama klean ba rai, i hanesan uma nebee ema harii dadauk ho riin nebee forti. Kaer metin nafatin hanorin nebee imi simu ona, i sempre agradese ba Nai Maromak.

1 Tesalonika 3:5

Iha tempu nebaa, hau hakarak duni atu hatene, imi sei fiar nafatin ba Jesus ka lae. Nunee bainhira hau la aguenta tan ona, hau haruka Timóteo ba imi hodi buka hatene loloos. Tan hau preokupa, keta halo be Satanás intenta ona imi atu fila kotuk ba Nai Jesus. Se nunee, serbisu boot nebee uluk ami halo nee saugati deit.

1 Timóteo 1:19

Fiar metin ba Kristu, i kuidadu o nia aan para sempre halo buat nebee loos. Tanba iha ema balu hatene saida mak loos, maibee lakohi halo tuir. Too ikus, sira fila kotuk ba Maromak.

Ebreu 10:39

Sira nebee husik tiha Maromak, iha ikus sei rahun. Maibee ita lae. Ita nee ema nebee fiar, i hetan salvasaun.

Tiago 2:26

Isin lolon nebee la iha iis, mate. Hanesan nee mos, fiar nebee la hatudu ho hahalok diak, mate.

2 Pedro 2:20

Ema nebee konhese ona Nai Jesus Kristu ita nia Salvador, nia husik tiha ona buat aat iha mundu nee. Maibee se nia monu fali ba hahalok aat too hahalok nee ukun fali nia, entaun too ikus nia moris aat liu fali uluk nian.

2 Pedro 2:22

Iha ema soe lia nunee: “Bainhira asu muta, nia rasik sei lambe fila fali.” Iha mos seluk dehan, “Fahi nebee foo hariis moos tiha ona sei duir aan fali iha tahu laran.”

1 João 2:19

Ema sira nebee kontra Kristu nee uluk hamutuk ho ita, maibee agora sees ona hosi ita. Maski sira uluk iha ita nia klaran, sira laos ema nebee fiar duni ba Kristu, nee mak sira lakohi hamutuk ona ho ita. Sira husik tiha ita, nee hatudu katak, sira nee la halo parte ho ita.

Judas 1:12

Bainhira imi sarani sira halibur malu hodi haan-hemu hamutuk, ema sira nee mai haan hamutuk ho imi, maibee sira kaan-teen i la hatene moe. Nunee sira hanesan bibi atan nebee foo haan deit nia aan, i ida nee hanesan buat foer ida iha imi nia klaran. Sira hanesan kalohan nebee anin huu, maibee la foo udan. Sira hanesan ai nebee la foo fuan, maski too ona nia tempu. Ikus mai, ai nee toos nain fokit sai tiha hamutuk ho nia abut too mate tiha.