Lucas 8:1 - Biblia Tetun Dili

¹ Hotu tiha, Jesus lao hosi sidade ba sidade ho aldeia ba aldeia hodi foo sai Novidade Diak kona ba Nai Maromak ukun nudar Liurai. Nia eskolanti nain sanulu resin rua akompanha Nia.

Lucas 8:1 Iomraidhean Croise

Mateus 11:1

Bainhira Jesus hanorin tiha buat sira nee hotu ba Nia eskolanti nain sanulu resin rua, Nia husik tiha fatin nee. Depois Nia baa iha aldeia ba aldeia iha rejiaun nee hodi hanorin ema i foo sai Nai Maromak nia Novidade Diak.

Mateus 13:19

Fini nebee monu iha dalan mak ema nebee rona Maromak nia Liafuan kona ba reinu lalehan, maibee nia la komprende. Depois Aat nain mai hadau tiha liafuan nebee iha tiha ona nia laran.

Mateus 4:23

Jesus lao iha provinsia Galileia tomak hodi hanorin iha ema Judeu sira nia uma kreda. Nia foo sai Novidade Diak kona ba oinsaa Maromak ukun nudar Liurai. I Nia mos kura ema nebee iha moras oi-oin.

Mateus 9:35

Jesus lao iha sidade ba sidade no aldeia ba aldeia hodi hanorin iha uma kreda sira. Nia foo sai Novidade Diak kona ba oinsaa Maromak ukun nudar Liurai. I ema nebee iha moras oi-oin Nia kura tiha hotu.

Marcos 1:39

Liu tiha nee, Nia lao lemo iha provinsia Galileia tomak, hodi hatoo Maromak nia Novidade Diak, hosi uma kreda ba uma kreda. I Nia mos duni sai espiritu aat hosi ema sira nia laran.

Lucas 1:80

Loron ba loron, João boot ba dadauk, i Maromak Nia Espiritu halo nia sai forti ba bebeik. Depois nia baa hela iha rai fuik maran too tempu nebee nia hahuu nia serbisu iha ema Israel sira nia leet.

Lucas 20:1

Iha loron ida, Jesus hanorin no foo sai Maromak nia Novidade Diak iha area Uma Kreda Boot nian. Nia sei koalia hela, nai lulik nia xefi sira, mestri relijiaun sira ho lideransa katuas sira mai hasoru Nia

Lucas 4:18

“Nai Maromak nia Espiritu iha Hau. Tanba Nia foti ona Hau para foo sai Novidade Diak ba ema kiak sira. Nia haruka ona Hau foo hatene dehan, ema dadur sira sei livre fali, ema matan delek sira sei haree moos fali, sira nebee ema hanehan, sei moris livre,

Lucas 9:6

Depois apostolu sira lao hosi aldeia ba aldeia hodi foo sai Nai Maromak nia Novidade Diak i kura ema moras iha fatin-fatin.

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 13:32

Paulo hatutan nia koalia dehan, “Ami nain rua lori Novidade Diak nee foo ba imi katak, buat nebee mak Maromak promete ona ba ita nia bei-ala sira, agora kumpri ona.

Roma 10:15

I oinsaa mak ema bele baa foo sai ba sira kona ba Nia, se la iha ema ida mak haruka? Iha Livru Sagradu hakerek dehan, “Ema nebee lori Novidade Diak sira mai nee furak teb-tebes.”