Lucas 7:6 - Biblia Tetun Dili

⁶ Entaun Jesus baa hamutuk ho sira. Sira besik too ona iha uma, komandante haruka nia kolega sira baa hatete ba Jesus dehan, “Nai la presiza lao kolen too mai, tanba hau la serve atu simu Ita Boot iha hau nia uma.

Lucas 7:6 Iomraidhean Croise

Jenesis 32:10

Ita Boot sempre hatudu Ita nia laran diak mai hau, i hanoin Ita Boot nia promesa ho hau. Hau la serve atu simu nee. Uluk bainhira hau hakur liu hosi mota Jordaun, hau lori ai-tonka deit. Maibee agora, hau mai fali lori ema barak ho animal barak fahe ba grupu rua.

Mateus 20:28

Hanesan Hau, Ema Oan. Hau mai iha mundu nee laos atu ema serbii Hau. Maibee Hau mai hodi serbii ema i foo Aan ba mate hodi selu kotu ema barak nia tusan.”

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Marcos 5:24

Entaun Jesus tuir Jairo baa iha nia uma. Maibee bainhira sira lao baa, ema barak mos tuir Nia, too sena malu metin.

Lucas 5:8

Bainhira sira haree saida mak akontese, Simão Pedro ho nia kolega sira iha bero laran nee admira teb-tebes. Nia maluk peskador Tiago ho João, Zebedeu nia oan, mos admira. Entaun Simão baa hakneak kedas iha Jesus nia ain hodi dehan, “Nai, Ita Boot keta besik hau, tanba hau ema sala nain.” Maibee Jesus hataan, “Lalika tauk. Imi baibain buka ikan. Maibee komesa agora ba oin imi sei buka fali ema para tuir Hau.”

Lucas 7:4

Too iha nebaa, sira husu ho laran tomak atu Jesus baa kura nia. Sira dehan, “Nai, komandante nee serve duni atu Ita Boot tulun nia,

Lucas 7:5

tanba nia hadomi ita ema Judeu, i nia harii ona uma kreda ba ita.”

Lucas 7:7

I hau mos la serve atu baa hasoru Ita Boot. Nai hatete deit liafuan ida rua hosi nebaa mak hau nia atan sei hetan kura.

Lucas 8:49

Jesus sei koalia hela, ema ida mai hosi Jairo nia uma foo hatene ba Jairo, “senhor nia oan iis kotu tiha ona. Lalika halo kolen tan Mestri.”

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Tiago 4:10

Imi tenki haraik aan iha Nai Maromak nia oin, maka Nia sei foti sae imi.

Tiago 4:6

Maski nunee, Nai Maromak sei hatudu Nia grasa boot liu tan ba ita. Tuir Livru Sagradu hatete: “Maromak kontra ema nebee foti aan, maibee Nia hatudu Nia laran diak ba ema nebee haraik aan.”