Lucas 7:37 - Biblia Tetun Dili

³⁷ Iha sidade nee, iha mos feto ida nebee sempre halo sala. Bainhira nia rona katak Jesus haan iha Simão nia uma, nia tama ba uma laran, i lori mina morin botir ida nebee karu teb-tebes.

Lucas 7:37 Iomraidhean Croise

Mateus 21:31

Konta tiha hotu, Jesus husu ba sira, “Tuir imi nia hanoin, oan rua nee, ida nebee mak halo tuir nia aman nia hakarak?” Sira hataan, ‘Oan mane boot.’ Jesus dehan ba sira, “Hau hatete loloos ba imi, kobrador impostu ho feto luroon sira sei tama iha Maromak nia reinu uluk fali imi.

Lucas 18:13

Maibee kobrador impostu nee hamriik hosi dook, i la brani foti matan ba leten. Nia hakruuk i baku nia hirus matan, ho laran tristi teb-tebes tanba nia halo ona sala. I nia harohan dehan, ‘Maromak, hau ema sala nain. Hadomi hau baa.’

Lucas 19:7

Ema hotu-hotu nebee haree nunee, murmura dehan, “Nia nee ema moris iha sala. Nusaa mak Jesus baa vizita fali iha nia uma?”

Lucas 5:30

Maibee iha mestri relijiaun sira ho ema boot balu tan hosi grupu Farizeu baa iha Jesus nia eskolanti sira hodi kritika dehan, “Nusaa mak imi haan-hemu hamutuk ho kobrador impostu ho ema sala nain sira nee?”

Lucas 5:32

Hau mai atu bolu ema sala nain sira atu sira husik sira nia sala, laos atu bolu ema nebee konsidera sira nia aan moris loos ona.”

Lucas 7:34

Maibee Hau, Ema Oan mai, haan no hemu tua hanesan baibain, i imi dehan, Hau kaan-teen no lanu-teen, i halo belun ho kobrador impostu sira ho ema sala nain sira.

Lucas 7:36

Iha ema Farizeu ida naran Simão, nia konvida Jesus baa haan iha nia uma. Entaun Jesus baa. Too iha uma, sira tuur iha meza hodi haan.

João 9:24

Entaun sira bolu fila fali ema nebee uluk matan delek nee. I sira dehan, “O tenki koalia loloos iha Nai Maromak nia oin. Tanba ami hatene momoos katak Jesus nee ema sala nain.”

João 9:31

Ita hotu hatene katak, Nai Maromak la rona ema sala nain, maibee Maromak rona ema nebee laran moos, nebee moris tuir Nia hakarak.

Roma 5:8

Maibee Maromak hatudu Nia domin boot mai ita liu hosi Kristu mate iha ita nia fatin, bainhira ita sei moris hela iha sala nia laran.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

1 Timóteo 1:9

Lei nee laos hakerek foo ba ema nebee moris loos. Maibee foo ba ema sira nebee kontra lei, moris kontra Maromak, fila kotuk ba Maromak, moris iha sala laran, la tuir Maromak nia hakarak, la respeita Maromak, i oho-door ema too oho sira nia inan-aman rasik.

1 Pedro 4:18

Tanba iha Livru Sagradu hakerek dehan, “Se ema nebee moris loos mos susar atu hetan salvasaun, saa tan ema nebee moris iha sala nia laran!”