Lucas 7:22 - Biblia Tetun Dili

²² Entaun Jesus hataan ba João nia eskolanti sira nunee: “Imi fila baa konta ba João kona ba buat hotu-hotu nebee imi ohin haree no rona rasik, ‘Ema matan delek, bele haree. Ema ain aat lao la diak, bele lao. Ema moras lepra, isin sai moos. Ema tilun diuk, bele rona. Ema mate, moris fila fali. Ema kiak, rona Novidade Diak.’

Lucas 7:22 Iomraidhean Croise

Mateus 11:5

Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Mateus 21:14

Hotu tiha, ema matan delek ho ema ain kudeik sira mai hasoru Jesus iha area uma kreda boot nee, i Nia kura sira hotu.

Lucas 4:18

“Nai Maromak nia Espiritu iha Hau. Tanba Nia foti ona Hau para foo sai Novidade Diak ba ema kiak sira. Nia haruka ona Hau foo hatene dehan, ema dadur sira sei livre fali, ema matan delek sira sei haree moos fali, sira nebee ema hanehan, sei moris livre,

Lucas 7:21

Iha tempu nee, Jesus kura hela ema moras barak. Nia duni sai espiritu aat hosi ema, i kura ema matan delek barak.

Lucas 7:23

Hatete tan ba João dehan, ‘Ema nebee la rejeita no la iha duvida mai Hau, nia hetan bensaun.’ ”

João 1:46

Maibee Natanael hataan, “Ema hosi Nazaré? La iha buat diak ida mak mai hosi Nazaré!” Filipe dehan, “Keta dehan nunee. Mai haree rasik ba!”

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Apostolu sira nia Istoria 8:7

Filipe duni sai espiritu aat hosi ema barak, i espiritu sira nee mos sai i hakilar makaas. Ema ain aat lao la diak, ho ema lao kudeik, barak mos diak.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.