Lucas 6:8 - Biblia Tetun Dili

⁸ Maibee Jesus hatene tiha ona sira nia hanoin. Nee mak Nia bolu ema liman sorin mate nee hodi dehan, “Mai hamriik iha oin nee.” I nia mos baa.

Lucas 6:8 Iomraidhean Croise

Mateus 9:4

Maibee Jesus hatene hela sira nia hanoin, entaun Nia dehan, “Nusaa mak imi hanoin aat nunee?

Marcos 3:3

Nunee Jesus bolu ema nebee liman sorin mate nee, dehan, “O mai hamriik iha nee.”

Lucas 13:12

Jesus haree senhora nee, i bolu nia mai hodi hatete ba nia, “Senhora, ita nia moras diak tiha ona.”

Lucas 5:22

Maibee Jesus hatene sira nia hanoin, i Nia dehan ba sira, “Nusaa mak imi hanoin nunee?

Lucas 6:9

Depois Jesus husu ba ema sira nee, “Tuir ita nia lei relijiaun, ita bele halo saida iha loron Sabadu? Ita bele halo diak ka aat? Ita bele salva ema, ka husik nia mate?”

João 21:17

I Jesus husu tan ba dala tolu, “Simão, João nia oan. Oinsaa? O hadomi Hau, ka?” Maibee Pedro laran susar, tanba Jesus husu dala tolu ona dehan, “O hadomi Hau, ka?” Nia hataan, “Ita Boot hatene buat hotu-hotu. Entaun Ita Boot hatene ona katak hau Ita Boot nia belun.” Depois Jesus hameno ba nia, “Se nunee, foo hahaan didiak ba Hau nia bibi malae oan sira.

João 9:4

Nai Maromak mak haruka Hau mai. Nunee ita tenki hakaas aan hodi halao Nia serbisu bainhira rai sei loron. Tanba bainhira kalan mai ona, ema la bele serbisu tan ona.

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Apostolu sira nia Istoria 26:26

Liurai Agripa rasik hatene ona buat sira nee, tanba laos akontese iha fatin subar. Tan nee, hau brani koalia iha liurai nia oin, momoos deit.

Filipi 1:28

Bainhira ema kontra imi, la bele tauk sira. Imi nia brani nee hatudu ba sira katak, Nai Maromak rasik sei salva imi i sei halo lakon tiha sira.

Ebreu 4:13

Iha lalehan ho rai la iha buat ida mak bele subar hosi Nai Maromak. Ba Nia, buat hotu-hotu nakloke, Nia haree borus. Too loron ida ita tenki hataan iha Maromak nia oin kona ba buat hotu-hotu nebee ita halo.

1 Pedro 4:1

Bainhira Kristu sei iha mundu, Nia hetan terus ho susar oi-oin. Entaun imi mos tenki prontu simu terus, tanba ema nebee mak terus iha nia moris, nia para halo sala.

Apokalipse 2:23

Sira nebee tuir Jezabel hanesan fali oan ida tuir nia inan, Hau sei oho hotu sira. Nunee sarani sira iha fatin-fatin deit sei hatene katak, Hau konhese momoos ema nia hanoin ho laran i Hau foo ba ema ida-idak tuir nia hahalok.