Lucas 6:45 - Biblia Tetun Dili

⁴⁵ Nunee mos ho ema. Ema nebee diak koalia buat diak, tanba nia laran mos diak. I ema nebee aat koalia buat aat, tanba nia laran mos aat. Tanba buat nebee nia koalia, sai hosi nia fuan-laran.”

Lucas 6:45 Iomraidhean Croise

João 7:38

Ema nebee fiar ba Hau, mai hemu bee nee! Tan Maromak nia Eskritura Sagrada hakerek ona dehan, ‘bee nebee lori moris sei fakar sai hosi ema fiar sira nia fuan-laran.’ I sira hetan moris loloos. Nunee, sira mos tulun ema seluk para hetan moris loloos nee.”

Apostolu sira nia Istoria 5:3

Maibee Pedro hatete, “Ananias, nusaa mak o tuir fali Satanás nia hakarak, para o bosok Espiritu Santu?! Nusaa mak osan rai nian nee, o subar tiha balu?

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Efezu 4:29

Bainhira imi koalia, la bele koalia liafuan tolok no aat. Maibee koalia deit liafuan diak nebee ema presiza rona, para hametin sira nia laran. Liafuan hanesan nee sei ajuda sira.

Efezu 5:19

Bainhira imi koalia ba malu, imi temi liafuan hosi livru Salmus, kanta muzika espiritual sira, no kanta sira seluk nebee hodi adora Maromak. Bainhira imi hananu, kanta ho fuan-laran tomak ba Nai Maromak.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

Kolose 4:6

Bainhira imi koalia, sempre uza liafuan midar nebee monu ba ema nia laran. Nunee se ema ruma husu pergunta ba imi, imi bele hataan ho diak.

Ebreu 8:10

Agora Hau, Nai Maromak, foo sai katak, aliansa nebee Hau sei halo ho povu Israel mak nee: Hau sei tau Hau nia lei iha sira nia neon, i sei hakerek Hau nia ukun fuan iha sira nia fuan-laran. Hau sei sai sira nia Nai Maromak, i sira sei sai Hau nia povu.

Judas 1:15

Nia mai hodi tesi ema hotu-hotu nia lia. Nia sei kastigu ema aat sira hotu tanba sira nia hahalok no ema hotu-hotu nebee koalia aat hasoru Nai Maromak.”