Lucas 6:44 - Biblia Tetun Dili

⁴⁴ Ema hatene ai huun ida-idak liu hosi nia fuan. Ita la kuu uvas ka ai fuan figeira hosi ai tarak.

Lucas 6:44 Iomraidhean Croise

Mateus 12:33

Jesus koalia nafatin ba ema Farizeu sira dehan, “Se imi dehan ai huun nebee diak maka sei foo fuan diak. Maibee se imi dehan ai huun nebee la diak maka sei foo fuan la diak. Tanba hosi ai nee nia fuan mak hatudu katak ai huun nee diak ka la diak.

Mateus 7:16

Imi sei hatene sira hosi sira nia hahalok, hanesan ita hatene ai huun ida hosi nia fuan. Ai tarak nunka foo fuan fali uvas ka ai fuan figeira.

Mateus 7:20

Nunee mos ho profeta falsu sira, imi bele konhese sira hosi sira nia hahalok.”

Tiago 3:12

Ai-figeira nunka foo fali ai-oliveira nia fuan. I ai-uvas nunka foo fali ai-figeira nia fuan. Nunee mos, bee matan meer la bele foo fali bee midar.

Judas 1:12

Bainhira imi sarani sira halibur malu hodi haan-hemu hamutuk, ema sira nee mai haan hamutuk ho imi, maibee sira kaan-teen i la hatene moe. Nunee sira hanesan bibi atan nebee foo haan deit nia aan, i ida nee hanesan buat foer ida iha imi nia klaran. Sira hanesan kalohan nebee anin huu, maibee la foo udan. Sira hanesan ai nebee la foo fuan, maski too ona nia tempu. Ikus mai, ai nee toos nain fokit sai tiha hamutuk ho nia abut too mate tiha.