Lucas 6:42 - Biblia Tetun Dili

⁴² Oinsaa mak o brani dehan, ‘Kolega, mai hau hasai tiha ai rahun kikoan nee hosi o nia matan.’ Afinal iha ai kabelak ida taka hela o nia matan. Imi koalia oin ida, hahalok oin seluk! Hasai tiha uluk ai kabelak iha o nia matan, mak foin o haree hetan para bele hasai ai rahun kikoan hosi o nia maluk nia matan.”

Lucas 6:42 Iomraidhean Croise

Mateus 26:75

Rona nunee, Pedro hanoin fila fali liafuan nebee uluk Jesus dehan ba nia, “Molok manu kokoreek, o sei nega Hau dala tolu.” Tuir mai, Pedro sai hosi nebaa i tanis ho laran tristi.

Mateus 7:3

Nusaa mak o haree ai-luruk iha ema seluk nia matan, maibee ai kabelak nebee taka o nia matan rasik, o la senti?

Mateus 7:4

Oinsaa mak o brani dehan ba o nia maluk: ‘Mai hau hasai tiha ai-luruk nee hosi o nia matan.’ Afinal iha ai kabelak ida taka hela o nia matan rasik.

Lucas 13:15

Nai Jesus hataan, “Hei! Imi koalia oin ida, hahalok oin seluk! Iha loron Sabadu imi mos kore imi nia karau ho kuda hodi dada baa foo hemu. Nee mos halo serbisu.

Lucas 22:32

Maibee, Simão, Hau halo ona orasaun ba o, para o nia fiar la bele lakon. I bainhira o fila fali mai Hau, o tenki hametin o nia kolega sira nia fiar.”

Lucas 6:41

Nusaa mak o haree ai rahun kikoan ida iha ema seluk nia matan, maibee ai kabelak nebee taka o nia matan rasik, o la senti?

Lucas 6:43

Jesus halo tan komparasaun ida nunee: “Ai huun nebee diak, nunka foo fuan aat. Nunee mos ai huun nebee la diak, nunka foo fuan diak.

Apostolu sira nia Istoria 13:10

“Satanás nia oan! Bosok-teen! O nia laran nakonu ho buat aat. Buat nebee diak hotu-hotu, o kontra. O sempre lohi kona ba Nai Maromak nia lia loos.

Apostolu sira nia Istoria 2:38

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Apostolu sira nia Istoria 8:21

O la iha direitu hola parte iha serbisu nee, tanba o nia laran la loos iha Maromak nia oin.

Roma 2:1

Tanba nee, belun, se mak o hodi julga ema seluk, afinal o rasik la livre hosi sala. Tanba bainhira o julga ema seluk, nee hanesan o julga o nia aan rasik. Tanba o nebee julga ema seluk, o mos halo sala hanesan sira.

2 Korintu 5:18

Maromak mak halo ida nee. Nia halo ona ita dame malu ho Nia liu hosi Kristu. Depois Nia foo knaar mai ami hodi lori ema seluk mos dame malu ho Nia.

2 Timóteo 2:21

Nunee mos ho ema. See mak hadook aan hosi buat nebee aat, nia hanesan sasaan diak sira nee, i Maromak sei uza nia ba serbisu nebee diak. Tanba nia laran moos ona, serve para nia nain bele uza, i prontu halo buat diak saida deit.

2 Pedro 1:9

Maibee se ema ruma la moris tuir buat diak sira nee, entaun nia la haree saida mak iha nia oin, nia hanesan fali ema matan delek. Nia haluha katak Maromak hamoos tiha ona nia sala uluk nian.