Lucas 6:30 - Biblia Tetun Dili

³⁰ Se ema husu o nia sasaan ruma, foo deit baa. Se ema hadau o nia sasaan ruma, husik deit baa, la bele baa husu fali.

Lucas 6:30 Iomraidhean Croise

Mateus 18:35

Jesus taka Nia komparasaun dehan, “Hau nia Aman iha lalehan mos sei halo nunee ba imi ida-idak, se imi la foo perdaun ba imi nia maluk ho fuan-laran tomak.”

Mateus 5:39

Maibee Hau hatete ba imi: la bele halo aat ba ema nebee halo aat ba imi. Se ema ruma basa imi nia hasan sorin loos, foo tan hasan sorin karuk ba nia.

Mateus 6:12

Perdua ami nia sala, hanesan ami mos perdua ona ba ema nebee halo sala mai ami.

Lucas 11:41

Dukee imi hamoos deit bikan nia liur, diak liu foo buat nebee imi iha ba ema kiak sira. Se imi halo nunee mak imi sai moos iha Nai Maromak nia futar oin.

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 18:22

Rona nunee, Jesus hataan, “Maibee o sei falta buat ida nebee o tenki halo. Agora baa faan tiha o nia rikusoin hotu, i osan nee fahe ba ema kiak. Nunee mak o sei hetan fali rikusoin iha lalehan. Depois mai tuir Hau.”

Lucas 6:29

Se ema ruma basa o nia hasan sorin, foo tan hasan sorin baa. Se ema ruma hadau o nia faru manas, hasai tan o nia faru foo ba nia.

Lucas 6:31

Saida mak o hakarak atu ema seluk halo ba o, o rasik mak tenki halo ba ema seluk.

Lucas 6:38

Foo tulun ba ema, mak Maromak sei foo fila fali ba o barak liu too nakonu resin. Nee hanesan ema enxe batar ba karon too nakonu, depois sira doko-doko tau tan too fakar sai. Sasukat nebee o uza hodi tetu ema, ema sei uza hodi tetu fali o.”

Apostolu sira nia Istoria 20:35

Nunee hau sempre hatudu ezemplu atu imi mos bele serbisu makaas hodi ajuda ema kiak sira. Hanoin didiak Nai Jesus nia Liafuan, ‘Diak liu ita foo, dukee ita simu.’ ”

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

Efezu 4:28

Ema nebee naok-teen, la bele naok tan ona. Maibee nia tenki serbisu makaas ho nia liman rasik hodi sustenta nia aan ho mos hodi foo tulun ba ema sira nebee presiza.