Lucas 6:23 - Biblia Tetun Dili

²³ Bainhira ema halo imi terus nunee, haksolok ho kontenti deit ba, tanba Maromak sei foo prémiu boot ba imi iha lalehan. Keta haluha katak, sira nia bei-ala sira uluk mos halo terus Maromak nia profeta sira hanesan nee.

Lucas 6:23 Iomraidhean Croise

Mateus 5:12

Kuandu ema halo imi terus nunee, simu ho haksolok i kontenti deit baa, tanba Maromak sei foo premiu boot ba imi iha lalehan. Keta haluha katak, Maromak nia profeta sira nebee moris iha tempu uluk mos, ema halo terus sira hanesan nee.”

Lucas 1:41

Bainhira Isabel rona Maria nia liafuan, bebee iha nia kabu-laran book aan kedas. I Isabel nakonu ho Espiritu Santu.

Lucas 1:44

Bainhira hau rona anoi kumprimenta hau, labarik iha hau nia kabu-laran book aan kedas tanba haksolok.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

Apostolu sira nia Istoria 14:10

Entaun nia bolu, “Irmaun, hamriik ona!” Rona nunee, ema nee haksoit i komesa lao kedas.

Apostolu sira nia Istoria 3:8

Nia hamriik, haksoit i lao baa-mai. Nia lao, hodi haksoit-haksoit ho hahii Nai Maromak, tutuir sira nain rua tama ba kintal Uma Kreda Boot nian.

Apostolu sira nia Istoria 5:41

Sira sai hosi tribunal relijiaun ho laran haksolok, tanba Nai Maromak konsidera sira serve atu terus tanba Jesus.

Roma 5:3

Laos nee deit, maibee ita nia laran mos haksolok iha terus laran, tanba ita hatene katak, hosi terus nee ita aprende atu aguenta liu tan.

2 Korintu 12:10

Nunee hau haksolok bainhira hau la iha kbiit, bainhira ema hatete aat hau, bainhira hau iha susar laran, bainhira ema halo terus hau, bainhira hau hetan difikuldade oi-oin, tanba tuir Kristu. Tanba bainhira hau fraku maka hau hetan kbiit.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

2 Timóteo 2:12

Se ita aguenta iha terus laran, ita mos sei kaer ukun hamutuk ho Nia. Se ita nega Nia, Nia mos sei nega ita.

Ebreu 11:26

Iha tempu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moisés konsidera terus ida nee folin liu fali rikusoin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.

Ebreu 11:6

Se ita la fiar ba Nai Maromak, ita la bele halo haksolok Maromak nia laran. Tanba ita tenki fiar katak Maromak iha duni, i ita mos tenki laran metin katak Nia sei foo premiu ba ema nebee buka teb-tebes Nia. Nee mak foin ita bele hakbesik ba Nia.

Tiago 1:2

Maun-alin sira, bainhira imi hasoru susar oi-oin, haksolok nafatin ba.

1 Pedro 4:13

Maibee haksolok baa, tanba imi bele hetan terus hanesan Kristu uluk mos terus. Se imi haksolok nunee, aban-bainrua bainhira ema hotu-hotu haree Jesus Kristu fila fali mai ho naroman nabilan, imi sei haksolok liu tan.

Apokalipse 2:17

Imi nebee iha tilun, rona didiak saida mak Maromak nia Espiritu hatete ba sarani sira. See mak manaan, Hau sei foo ai haan manaa. Ai haan nee agora sei subar hela. Hau mos sei foo fatuk mutin ba sira ida-idak. Iha fatuk nee hakerek naran foun, naran nee ema ida sei la hatene, so ema nebee simu fatuk nee deit mak hatene.’ ”

Apokalipse 2:26

Ema nebee manaan no halo tuir nafatin Hau nia hakarak too rohan, Hau sei foo ba sira kbiit nebee Hau hetan hosi Hau nia Aman. Hau foo kbiit ba sira hodi ukun nasaun sira nebee kontra Nai Maromak ho liman besi. Sira sei ukun ho rota nebee halo ho besi, i hodi rota nee sira sei halo rahun tiha povu hanesan fali ema halo rahun sanan rai.

Apokalipse 2:7

Imi nebee iha tilun, rona didiak saida mak Maromak nia Espiritu hatete ba sarani sira. Ema nebee manaan, Hau sei foo direitu ba nia para bele haan ai fuan nebee lori nia ba moris rohan-laek. Ai fuan nee nia huun moris iha Nai Maromak nia toos Eden.’ ”

Apokalipse 21:7

Ema hotu-hotu nebee manaan, sira sei simu bensaun sira nee hotu. Hau sei sai sira nia Maromak, i sira sei sai Hau nia oan.

Apokalipse 3:12

See mak manaan, Hau sei halo nia sai hanesan ai-riin boot iha Hau nia Maromak nia Uma Kreda Boot, i nia sei hela metin iha nebaa too tinan ba tinan. Hau sei hakerek Hau nia Maromak nia naran ho mos Jerusalém foun nia naran iha ema nee nia isin lolon. Jerusalém foun nee Maromak nia sidade, i aban-bainrua sidade nee sei tuun hosi lalehan, hosi Hau nia Maromak. Hau mos sei hakerek Hau nia naran foun iha ema nee nia isin lolon para hatudu katak, nia Hau nia ema.

Apokalipse 3:5

See mak manaan, nia mos sei hatais hena mutin hotu. Hau sei la hamoos nia naran hosi lista ema moris rohan-laek nian. I aban-bainrua iha Hau nia Aman nia oin ho mos anju sira nia oin, Hau sei foo sai katak, nia nee Hau nia ema.