Lucas 6:22 - Biblia Tetun Dili

²² Bainhira ema odi imi, lakohi simu imi, tarata imi i duun imi dehan imi ema aat, tanba tuir Hau, Ema Oan, imi hetan bensaun.

Lucas 6:22 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Mateus 10:22

Ema iha nebee-nebee deit sei odi imi tanba imi tuir Hau. Maibee ema nebee mak aguenta nafatin too rohan, Maromak sei salva sira.

Mateus 10:39

Ema nebee hanoin liu nia moris iha mundu nee, nia sei lakon nia moris. Maibee see mak lakon nia moris iha mundu nee tanba nia tuir Hau, nia sei hetan moris rohan-laek.”

Lucas 20:15

Nunee sira rasta nia sai hosi toos laran, i oho tiha nia. Agora, tuir imi nia hanoin, toos nain sei halo saida ba ema sira nebee aluga toos nee?

Lucas 21:17

I ema iha fatin-fatin sei odi imi, tanba imi tuir Hau.

Lucas 6:21

Imi nebee agora hamlaha, imi hetan bensaun, tanba Maromak sei halo imi bosu. Imi nebee agora tanis, imi hetan bensaun, tanba imi sei hamnasa.

João 12:42

Maski nunee, ema barak fiar ba Jesus. Laos ema baibain deit, maibee iha mos ema Judeu nia boot sira balu fiar ba Nia. Sira la deklara sira nia fiar ba Jesus iha ema barak nia oin, tanba sira tauk katak ema Farizeu sira bele duni sai sira hosi uma kreda.

João 16:2

Ema Judeu sira sei duni sai imi hosi sira nia uma kreda. I laos nee deit, tempu sei too, bainhira ema oho imi, sira hanoin dehan sira halo diak ba Nai Maromak.

João 17:14

Hau hatoo ona Aman nia Liafuan ba sira. Ema seluk iha mundu nee odi Hau nia ema, tanba Hau nia ema sira nee moris la hanesan sira. Hau mos nunee, Hau la hanesan ho ema iha mundu nee.

João 7:7

Ema iha mundu nee la odi imi, maibee sira odi teb-tebes Hau, tanba Hau loke no hatudu momoos sira nia hahalok hotu. Tan sira nia laran aat.

João 9:34

Sira hataan, “O nakonu ho sala hosi o moris mai. Oinsaa mak o hakarak hanorin fali ami?” I sira duni sai tiha nia hosi sira nia uma kreda.

Apostolu sira nia Istoria 22:22

Bainhira ema barak nee rona Paulo dehan Maromak haruka nia baa foo sasin ba ema nebee laos Judeu, sira lakohi rona tan nia. Sira hotu hakilar rame-rame dehan, “Oho tiha ema nee! Nia la serve atu moris tan.”

Apostolu sira nia Istoria 24:5

Tuir ami haree, ema nee hanesan moras aat ida ke daet iha fatin ida ba fatin seluk. Iha nebee-nebee deit nia sempre tau lia ba ema Judeu sira para halo rungu-ranga. Nia mos ulun ida hosi grupu relijiaun ida nebee ema bolu ‘ema Nazaré’. Sira nia hanorin la haan malu ho ami nia relijiaun Judeu nian.

Apostolu sira nia Istoria 9:16

Hau sei hatudu ba nia katak, nia sei terus barak tanba nia tuir Hau.”

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

1 Pedro 3:14

Maibee se imi tenki terus ba lia loos, imi sorti boot. Tanba nee, imi la bele tauk i laran taridu ba buat nebee ema sira nebee la fiar ba Kristu tauk.