Lucas 6:21 - Biblia Tetun Dili

²¹ Imi nebee agora hamlaha, imi hetan bensaun, tanba Maromak sei halo imi bosu. Imi nebee agora tanis, imi hetan bensaun, tanba imi sei hamnasa.

Lucas 6:21 Iomraidhean Croise

Jenesis 17:17

Entaun, Abraão hakneak i hakruuk too rai. Maibee iha nia laran nia hamnasa. Nia hanoin dehan, “Mane katuas tinan atus ida hanesan hau nee, sei hetan tan oan? I Sara mos ferik liu ona ho tinan 90, oinsaa sei bele hetan oan?”

Jenesis 21:6

Sara hatete, “Nai Maromak halo hau hamnasa, i kontenti loos. Ema hanoin, hau ferik ona nunee, la bele hetan ona oan. Maski hau nia laen katuas liu ona, maibee hau sei foo oan ba nia. Nunee, see deit mak rona buat ida nee, sira sei hamnasa hamutuk ho hau.”

Mateus 5:4

Ema sira nebee tanis ho laran susar, sira hetan bensaun, tanba Maromak sei hamaran sira nia matan been.

Mateus 5:6

Ema sira nebee hamlaha no hamrook ba lia loos, sira hetan bensaun, tanba Maromak sei foo laran hakmatek.

Lucas 1:53

Nia foo hahaan didiak ba ema nebee hamlaha, too sira bosu, maibee Nia haruka ema riku sai ho liman mamuk.

Lucas 6:20

Jesus hateke ba Nia eskolanti sira i dehan, “Imi nebee kiak, imi hetan bensaun, tanba Nai Maromak mak imi nia Liurai.

Lucas 6:22

Bainhira ema odi imi, lakohi simu imi, tarata imi i duun imi dehan imi ema aat, tanba tuir Hau, Ema Oan, imi hetan bensaun.

Lucas 6:25

Imi nebee hahaan iha hela deit, sei terus, tanba imi sei hamlaha boot. Imi nebee hamnasa, sei terus, tanba imi sei tanis halerik.

João 11:35

Jesus mos tanis.

João 4:10

Jesus hatete, “Se mana hatene saida mak Nai Maromak hakarak foo ba ema hotu, no mos hatene see mak Hau nebee husu bee nee, maka mana sei husu fila fali bee mai Hau. Nunee Hau sei foo bee nebee lori moris ba ema.”

João 6:35

Jesus foo hatene ba sira dehan, “Hau mak Paun nee. Tan Hau mak lori moris nebee loloos. Nunee ema nebee sai Hau nia ema, sei la hamlaha tan. I ema nebee fiar mai Hau, sei la hamrook tan.

1 Korintu 4:11

Too agora ami hamlaha-hamrook, i ami nia ropa aat loos ona. Dala barak ema baku ami. Ami nia uma rasik la iha.

2 Korintu 11:27

Hau serbisu makaas. Dala barak hau kalan la toba, hau hamlaha i hamrook. Hau malirin tanba la iha hena.

2 Korintu 12:10

Nunee hau haksolok bainhira hau la iha kbiit, bainhira ema hatete aat hau, bainhira hau iha susar laran, bainhira ema halo terus hau, bainhira hau hetan difikuldade oi-oin, tanba tuir Kristu. Tanba bainhira hau fraku maka hau hetan kbiit.

2 Korintu 6:10

Ami laran tristi, maibee haksolok nafatin. Ami kiak, maibee halo ema barak sai riku. Ami buat ida la iha, maibee ami iha buat hotu-hotu.

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

Apokalipse 21:3

Depois hau rona lian makaas ida sai hosi kadeira ukun nee dehan, “Haree baa! Hahuu agora Nai Maromak nia hela fatin iha ema sira nia leet. Nia hela hamutuk ho sira. Nia sai sira nia Maromak i sira sai Nia povu. Maromak rasik hela hamutuk ho sira.

Apokalipse 7:16

Sira sei la hamlaha no sei la hamrook tan. Loro manas sei la halo terus tan sira, i rai manas sei la halo sira senti atu motuk.