Lucas 6:20 - Biblia Tetun Dili

²⁰ Jesus hateke ba Nia eskolanti sira i dehan, “Imi nebee kiak, imi hetan bensaun, tanba Nai Maromak mak imi nia Liurai.

Lucas 6:20 Iomraidhean Croise

Mateus 11:5

Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Mateus 5:1

Bainhira Jesus haree ema barak nee, Nia sae baa iha foho ida. Too iha nebaa Nia tuur, i Nia eskolanti sira mai haleu Nia.

Lucas 12:32

Jesus hatutan tan ba nia eskolanti sira dehan, “Lalika tauk! Imi hanesan bibi malae grupu kiik oan deit, maibee imi nia Aman iha lalehan mak Liurai Boot, i Nia haksolok hili imi hodi moris iha Nia ukun laran.

Lucas 13:28

Depois imi sei tanis hakilar i ruun nehan. Tanba imi sei haree Abraão, Isac, Jacó ho profeta sira hotu tama iha Maromak nia reinu, maibee imi rasik, Maromak soe sai ba liur.

Lucas 14:15

Rona nunee, iha ema ida nebee tuur hamutuk ho Jesus iha meza, dehan ba Nia, “Ema nebee tuur haan hamutuk iha Maromak nia reinu iha Maromak nia festa boot, hetan bensaun.”

Lucas 16:25

Maibee Abraão hataan, ‘Oan, keta haluha, uluk o sei moris iha mundu, o simu buat diak hotu, o la falta buat ida. Maibee Lázaro so hetan terus deit. Agora Maromak halo haksolok Lázaro iha nee, i o terus teb-tebes iha nebaa.

Lucas 4:18

“Nai Maromak nia Espiritu iha Hau. Tanba Nia foti ona Hau para foo sai Novidade Diak ba ema kiak sira. Nia haruka ona Hau foo hatene dehan, ema dadur sira sei livre fali, ema matan delek sira sei haree moos fali, sira nebee ema hanehan, sei moris livre,

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

2 Korintu 6:10

Ami laran tristi, maibee haksolok nafatin. Ami kiak, maibee halo ema barak sai riku. Ami buat ida la iha, maibee ami iha buat hotu-hotu.

2 Korintu 8:2

Maski sira hetan provasaun liu hosi terus oin-oin, sira haksolok nafatin. Maski sira kiak rabat rai, sira foo oferta ho laran haksolok.

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

1 Tesalonika 1:6

Nunee imi moris tuir ami nia ezemplu, i tuir ezemplu Nai Jesus nian. Maski ema halo terus imi, maibee imi simu Novidade Diak ho laran haksolok, tanba Espiritu Santu foo ksolok ba imi.

2 Tesalonika 1:5

Nee hotu hatudu prova katak, Nai Maromak sei tesi lia ho loos. Nunee, Maromak nudar Liurai Boot sei konsidera imi serve duni atu sai membru iha reinu Maromak nian. Tanba imi serbii Liurai nee mak imi terus nunee.

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

Apokalipse 2:9

Hau hatene imi moris iha terus ho kiak nia laran. Maski nunee iha Maromak nia oin imi riku. Hau hatene ema balu hatete aat imi. Sira deklara sira nia aan dehan sira Maromak nia ema, afinal lae. Sira la hakruuk ba Maromak maibee sira sai satanas nia ema.