Lucas 5:8 - Biblia Tetun Dili

^8-10 Bainhira sira haree saida mak akontese, Simão Pedro ho nia kolega sira iha bero laran nee admira teb-tebes. Nia maluk peskador Tiago ho João, Zebedeu nia oan, mos admira. Entaun Simão baa hakneak kedas iha Jesus nia ain hodi dehan, “Nai, Ita Boot keta besik hau, tanba hau ema sala nain.” Maibee Jesus hataan, “Lalika tauk. Imi baibain buka ikan. Maibee komesa agora ba oin imi sei buka fali ema para tuir Hau.”

Lucas 5:8 Iomraidhean Croise

Mateus 17:6

Rona lian nee, sira nain tolu tauk teb-tebes, i sira taka rabat iha rai.

Mateus 2:11

Too iha nebaa, sira tama iha uma laran haree Labarik nee ho Nia inan Maria, i sira hakneak hodi adora Nia. Depois sira hasai sira nia prezenti karun teb-tebes, sira foo ba Labarik nee osan mean, ai been morin ho mina morin diak nian.

Mateus 8:8

Maibee komandante nee hataan fali dehan, “Nai, hau la serve atu simu Ita Boot iha hau nia uma. Nai, hatete deit liafuan ruma maka hau nia atan sei hetan kura.

Lucas 5:7

Entaun sira halo sinal ba sira nia kolega iha bero seluk para mai ajuda. Sira mai, hotu-hotu hamutuk raut ikan tau ba bero rua nee nakonu, too bero besik atu mout.

João 11:32

Bainhira Maria too iha fatin nee, nia haree Jesus. Maria baa taka rabat ba iha Jesus nia ain, hodi foo hatene dehan, “Se Ita Boot iha nee karik, hau fiar hau nia alin la mate.”

1 Korintu 13:12

Saida mak ita haree dadauk nee la moos, hanesan ema nebee haree nia lalatak iha lalenok. Maibee too loron ida ita sei haree momoos, oin ho oin. Agora hau hatene buat balu deit, maibee aban-bainrua hau sei hatene momoos, hanesan mos Maromak agora hatene momoos hau.

Apokalipse 1:17

Bainhira hau haree Nia, hau monu kedas iha Nia oin hanesan ema mate. Maibee Nia tau Nia liman loos ba hau hodi dehan, “Keta tauk. Hau mak huun no rohan.