Lucas 5:32 - Biblia Tetun Dili

³² Hau mai atu bolu ema sala nain sira atu sira husik sira nia sala, laos atu bolu ema nebee konsidera sira nia aan moris loos ona.”

Lucas 5:32 Iomraidhean Croise

Mateus 18:10

“Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 9:13

Baa aprende didiak Maromak nia Liafuan nebee dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Hau mai atu bolu ema sala nain sira, laos atu bolu ema nebee konsidera nia aan moris loos.”

Marcos 15:10

Governador koalia nunee, tanba nia hatene ona katak nai lulik Judeu nia xefi sira lori Jesus ba aprezenta ba nia, tanba sira odi teb-tebes Jesus.

Marcos 15:7

Iha loron nee, iha ema kastigu ida iha kadeia, naran Barabás. Uluk ema kaer nia, ho nia kolega sira, tanba nia kontra estadu Roma, i nia mos oho ema.

Marcos 2:17

Bainhira Jesus rona sira husu hanesan nee, Nia hataan kedas, dehan, “Rona mai! Ema moras mak presiza doutor, maibee ema nebee la moras la presiza. Hau mai atu halibur ema sala nain sira para tuir Hau. Laos ema nebee foti aan dehan sira mak loos liu.”

Lucas 15:10

Hau hatete ba imi, iha lalehan mos nunee. Maromak nia anju sira haksolok teb-tebes bainhira sala nain ida husik nia sala.”

Lucas 15:7

Hau hatete ba imi, iha lalehan mos nunee. Maromak ho Nia anju sira haksolok teb-tebes bainhira sala nain ida husik nia sala. Nee halo Sira haksolok liu fali duke ema sia-nulu resin sia nebee moris loos i la presiza husik sira nia sala.

Lucas 19:10

Tanba, Hau, Ema Oan, mai iha mundu hodi buka no salva ema nebee lakon.”

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 5:31

Jesus hatete ba sira, “So ema moras mak presiza doutor, ema isin diak lae.

Lucas 5:33

Depois ema Farizeu sira nee hatete ba Jesus dehan, “João Sarani Nain nia eskolanti sira jejun i halo orasaun bebeik. Ema Farizeu sira nia eskolanti sira mos hanesan. Maibee nusaa mak senhor nia eskolanti sira haan-hemu hela deit?”

Apostolu sira nia Istoria 17:30

Uluk ema halo buat sira nee tanba seidauk komprende. Nee mak Nai Maromak foo perdaun ba sira. Maibee agora, Nia lakohi atu ita moris tan nunee. Nee mak Nia foo orden dehan, ema hotu-hotu tenki husik ona lulik, i tuir deit Nai Maromak.

Apostolu sira nia Istoria 2:38

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Apostolu sira nia Istoria 20:21

Hau foo hatene ona ba ema Judeu, ho mos ema nebee laos Judeu, atu sira husik ona sira nia sala, hodi tuir Nai Maromak i fiar ba Nai Jesus.

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

Apostolu sira nia Istoria 3:26

Nai Maromak haruka Nia Oan nee hodi foo bensaun ba imi, atu imi husik tiha hahalok aat sira. Nai Maromak haruka nia Oan nee ba uluk imi ema Israel, depois foin haruka ba nasaun sira seluk.”

Apostolu sira nia Istoria 5:31

Agora Nai Maromak foti Jesus tuur iha Nia liman loos hodi kaer ukun hanesan Liurai i Salvador. Nia foo tempu ba povu Israel para bele husik ona sira nia sala, atu sira bele hetan perdaun hosi Nai Maromak.

2 Pedro 3:9

Entaun, se ita nia Nai seidauk kumpri Nia promesa, nee laos dehan Nia la halo tuir, maski ema balu hanoin nunee. Maibee tuir loloos Nia sei pasiensia ho imi. Nia hakarak atu ema hotu-hotu hakribit sira nia sala, tanba Nia lakohi atu ema ida mate tinan ba tinan.