Lucas 5:30 - Biblia Tetun Dili

³⁰ Maibee iha mestri relijiaun sira ho ema boot balu tan hosi grupu Farizeu baa iha Jesus nia eskolanti sira hodi kritika dehan, “Nusaa mak imi haan-hemu hamutuk ho kobrador impostu ho ema sala nain sira nee?”

Lucas 5:30 Iomraidhean Croise

Mateus 5:46

Se imi hadomi deit ema nebee mak hadomi imi, imi atu manaan saida? Tanba kobrador impostu sira gosta han-matak ema maibee sira mos hadomi ema nebee mak hadomi sira.

Mateus 9:11

Ema hosi grupu relijiaun Farizeu sira haree, i sira husu ba Jesus nia eskolanti sira, “Nusaa mak imi nia mestri haan hamutuk fali ho kobrador impostu i ema sala nain sira nee?”

Marcos 2:16

Iha tempu nee, iha mestri relijiaun balu hosi grupu Farizeu, haree Jesus tuur haan hamutuk hela ho ema kobrador impostu sira, no ema aat sira. Depois sira husu ba Jesus nia eskolanti sira dehan, “Tanba saa mak imi nia Mestri tuur haan hamutuk ho ema kobrador impostu no ema aat sira?”

Marcos 9:16

Depois Jesus husu ba sira, “Imi haksesuk saida nee?”

Lucas 18:11

Ema Farizeu nee hamriik hodi halo orasaun nunee, ‘Maromak, hau agradese ba Ita Boot, tanba hau laos hanesan ema sira seluk. Hau laos naok-teen, laos ema aat, la halo sala ho ema nia kaben, no la hanesan kobrador impostu ida nebaa.

Lucas 19:7

Ema hotu-hotu nebee haree nunee, murmura dehan, “Nia nee ema moris iha sala. Nusaa mak Jesus baa vizita fali iha nia uma?”

Lucas 5:17

Iha loron ida, Jesus hanorin hela iha uma ida. Iha ema hosi grupu relijiaun Farizeu balu ho mestri relijiaun balu tuur besik Nia hodi rona. Sira balu mai hosi aldeia-aldeia iha provinsia Galileia, balu mai hosi provinsia Judeia, i balu mai hosi sidade Jerusalém. Tempu nee, Nai Maromak nia kbiit iha Jesus para kura ema moras.

Lucas 5:21

Rona Jesus koalia nunee, ema Farizeu ho mestri relijiaun sira komesa koalia ba malu dehan, “See mak ema ida nee too hatete aat fali Nai Maromak? So Nai Maromak deit mak bele hamoos ema nia sala!”

Lucas 7:34

Maibee Hau, Ema Oan mai, haan no hemu tua hanesan baibain, i imi dehan, Hau kaan-teen no lanu-teen, i halo belun ho kobrador impostu sira ho ema sala nain sira.

Lucas 7:39

Bainhira uma nain Farizeu nee haree feto nee nia hahalok, nia hanoin dehan, “Se Jesus nee Nai Maromak nia profeta, entaun Nia sei hatene feto nebee kona Nia nee moris iha sala.”

Apostolu sira nia Istoria 23:9

Sira haksesuk malu too buat hotu sai estrundu boot. Iha mestri relijiaun balu hosi grupu Farizeu hamriik hodi defende makaas Paulo dehan, “Ema nee la sala! See mak hatene, keta espiritu ida ka anju ida mak koalia ba nia.”