Lucas 5:14 - Biblia Tetun Dili

¹⁴ Depois Jesus bandu nia dehan, “La bele konta buat nee ba ema seluk. Maibee baa konsulta iha nai lulik, atu nia haree katak o nia isin moos ona. Depois foo oferta tuir lei nebee Moisés haruka, para ema hotu bele hatene katak o diak ona.”

Lucas 5:14 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Mateus 12:16

Maibee Jesus bandu sira para la bele hatete sai kona ba Nia.

Mateus 8:4

Depois Jesus dehan ba nia, “La bele konta sai buat nee ba ema seluk. Maibee baa aprezenta aan iha nai-lulik, atu nia haree katak o nia isin moos ona. Depois foo oferta tuir lei Moisés nian, para ema hotu bele hatene katak o diak ona.”

Mateus 9:30

Sira nain rua nia matan haree moos kedas. I Jesus bandu makaas sira dehan, “La bele foo hatene buat nee ba see-see deit.”

Marcos 1:44

dehan, “Hanoin didiak! O diak ona, maibee o keta konta ba ema seluk. O tenki tuir Moisés nia lei hori uluk nian. Nunee o baa uluk nai-lulik Judeu, para nia haree didiak lai o nia moras nee, lakon tebes ka lae. Depois o tenki foo oferta hanesan sinal ida foo obrigadu ba Maromak, para ema hotu hatene katak o diak tebes ona.”

Marcos 6:11

Maibee se imi too iha fatin ida, ema lakohi simu imi, i lakohi rona imi, imi tenki sai kedas hosi fatin nee. I baku rai rahun hosi imi nia ain. Ida nee sinal katak, ‘Imi lakohi rona ami, imi rasik mak lori todan nee!’ ”

Lucas 17:14

Bainhira Jesus haree sira, Nia hatete ba sira, “Imi baa hatudu imi nia isin ba nai lulik sira, para sira haree.” Entaun sira baa. Iha dalan, derepenti sira hotu hetan kura.

Lucas 5:13

Jesus lolo liman ba tau iha nia isin hodi dehan, “Hau hakarak. O diak ona baa!” I moras nee lakon kedas.

Lucas 9:5

Maibee se imi tama iha sidade ida mak ema lakohi simu imi, husik tiha sidade nee. I baku rai rahun hosi imi nia ain okos hodi hatudu katak, Maromak sei kastigu sira.”