Lucas 4:41 - Biblia Tetun Dili

⁴¹ Nia mos haruka espiritu aat sira sai hosi ema barak nia laran, i sira sai duni hodi hakilar dehan, “O mak Maromak nia Oan!” Maibee Jesus siak espiritu aat sira nee i bandu sira la bele koalia, tanba sira hatene katak, Jesus mak Mesias [Salvador nebee Maromak promete hori uluk ona atu haruka mai].

Lucas 4:41 Iomraidhean Croise

Mateus 26:63

Maibee Jesus nonook deit. I nai lulik boot dehan, “Hodi Maromak nebee Moris nia naran, hau husu para O hataan ho loloos. O mak Kristu, Nai Maromak nia Oan nebee Nia promete ona hori uluk atu haruka mai nee ka?”

Mateus 4:3

Depois diabu tenta nain mai koko Jesus. Diabu dehan, “Se O Maromak nia Oan duni, haruka fatuk sira nee sai paun.”

Mateus 8:16

Bainhira besik kalan ona, ema lori ema barak nebee espiritu aat tama iha sira nia laran. I Jesus foo orden deit, espiritu aat sira nee sai kedas. Nia mos kura ema hotu nebee moras.

Mateus 8:29

Sira hakilar dehan, “Maromak nia Oan, O hakarak halo saida mai ami? O atu mai kastigu ona ami ka? Afinal tempu seidauk too.”

Mateus 8:4

Depois Jesus dehan ba nia, “La bele konta sai buat nee ba ema seluk. Maibee baa aprezenta aan iha nai-lulik, atu nia haree katak o nia isin moos ona. Depois foo oferta tuir lei Moisés nian, para ema hotu bele hatene katak o diak ona.”

Marcos 1:25

Maibee Jesus siak espiritu aat nee dehan, “Nonook! Sai hosi ema nee!”.

Marcos 1:32

Loro atu besik monu ona, ema lori tan ema moras, ho ema nebee espiritu aat tama iha sira nia laran. Sira lori ba Jesus, hodi husu tulun.

Marcos 1:34

Sira iha moras oi-oin, i Jesus kura tiha hotu. Nia mos duni sai espiritu aat barak hosi ema. Maibee Nia la foo lisensa ba espiritu aat sira koalia, tanba sira konhese see mak Nia.

Marcos 3:11

Iha fatin nee mos, iha ema sira nebee espiritu aat tama iha sira nia laran. Momentu sira haree Jesus, sira monu iha Nia oin. I sira hakilar, dehan, “O Nai Maromak nia Oan duni!”

Lucas 4:39

Entaun Jesus baa hamriik iha ferik nee nia sorin hodi haruka isin manas sai. Derepenti nia moras nee lakon, i nia hadeer kedas hodi serbii sira.

João 20:31

Maibee, buat sira nebee hau hakerek ona iha livru nee, hau hakerek para imi bele fiar dehan, Jesus mak Kristu nebee Nai Maromak promete ona atu haruka mai. Jesus mos Nai Maromak nia Oan. I bainhira imi fiar ba Nia, imi hetan moris rohan laek, tanba imi sai ona Nia ema.

Tiago 2:19

O fiar Nai Maromak mesak ida deit, la iha tan seluk. Nee loos! Maibee diabu sira mos fiar nunee, nee mak sira tauk no nakdedar.