Lucas 4:34 - Biblia Tetun Dili

³⁴ “Hei! Jesus, Ema Nazaré. O hakarak halo saida ba ami? O mai atu harahun ami ka? Hau hatene see mak O. O mak Ema Santu nebee Maromak haruka mai.”

Lucas 4:34 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Mateus 8:29

Sira hakilar dehan, “Maromak nia Oan, O hakarak halo saida mai ami? O atu mai kastigu ona ami ka? Afinal tempu seidauk too.”

Marcos 1:24

“Jesus, ema Nazaré! O mai atu harahun ami, ka? Hau konhese O! O Ema La Iha Sala. O mak Maromak promete ona hori uluk kedas atu haruka mai.”

Marcos 1:34

Sira iha moras oi-oin, i Jesus kura tiha hotu. Nia mos duni sai espiritu aat barak hosi ema. Maibee Nia la foo lisensa ba espiritu aat sira koalia, tanba sira konhese see mak Nia.

Marcos 5:7

Jesus haree ema nee, Nia hatete, “Espiritu aat! Sai hosi ema nee!” I ema nee hakilar makaas, “O atu halo saida mai hau?! Hau hatene O nee Jesus, Nai Maromak mak boot teb-tebes nia Oan. Hau husu ba O keta halo terus hau.”

Lucas 1:35

Anju hataan, “Nai Maromak nia Espiritu Santu sei tuun ba iha o, i Maromak Aas Liu nia kbiit sei hamahon o. Nunee, labarik nebee atu moris mai nee ema sei bolu Nia santu i ‘Nai Maromak nia Oan’.

Lucas 4:33

Iha uma kreda laran, iha mos mane ida, espiritu aat domina hela nia. I nia hakilar ho lian makaas dehan,

Lucas 4:41

Nia mos haruka espiritu aat sira sai hosi ema barak nia laran, i sira sai duni hodi hakilar dehan, “O mak Maromak nia Oan!” Maibee Jesus siak espiritu aat sira nee i bandu sira la bele koalia, tanba sira hatene katak, Jesus mak Mesias [Salvador nebee Maromak promete hori uluk ona atu haruka mai].

Lucas 8:37

Depois ema hotu-hotu iha rai Gerasa husu atu Jesus sai tiha hosi nebaa, tanba sira tauk teb-tebes. Entaun Jesus baa sae bero atu fila fali ba iha tasi sorin.

Apostolu sira nia Istoria 16:39

Depois ema boot sira baa iha kadeia, hodi husu deskulpa ba Paulo ho Silas. Sira hasai sira nain rua hosi kadeia, i husu para sira husik tiha sidade nee.

Apostolu sira nia Istoria 2:27

Tan Nai Maromak la husik hela hau iha ema mate sira nia fatin. I Nia la husik Nia Ema Santu nia isin dodok iha rate.

Apostolu sira nia Istoria 3:14

Imi kontra Jesus ida nebee moris loos, i la iha sala. Imi tau lia ba Pilatus hodi haruka hasai ema ohodor ida hosi kadeia.

Apostolu sira nia Istoria 4:27

Buat nebee liurai David hakerek agora sai loos duni. Iha sidade nee, liurai Erodes ho governador Pónsiu Pilatus hamutuk ona ho nai ulun sira hosi Israel, ho nai ulun sira hosi nasaun seluk. Sira hotu kombina hodi kontra Jesus, Ita Boot nia Oan Santu, nebee Ita Boot hili ona. Nia sempre halo tuir Ita Boot nia hakarak.

Ebreu 2:14

Maromak nia oan sira nee iha isin ho raan. Nunee Jesus rasik mos sai ema hanesan ita ema kriatura para Nia bele mate, i liu hosi Nia mate, Nia bele manaan diabu, ida nebee mak ukun mate.

Tiago 2:19

O fiar Nai Maromak mesak ida deit, la iha tan seluk. Nee loos! Maibee diabu sira mos fiar nunee, nee mak sira tauk no nakdedar.

1 João 3:8

Maibee see mak halo sala bebeik, ema nee diabu nia oan, tanba diabu halo sala dezde uluk kedas. Maromak nia Oan mai iha mundu para harahun tiha diabu nia serbisu.

Apokalipse 20:2

Anju nee kaer tiha samea ulun hitu. Samea antigu nee, ema mos bolu nia diabu ka Satanás. Anju nee kesi tiha samea ulun hitu ho korenti, atu hatama ba iha rai kuak klean nakukun laran too tinan rihun ida.

Apokalipse 3:7

Tuir mai Ema nee hatete mai hau, “Hakerek hanesan nee ba sarani sira iha sidade Filadélfia: ‘Hau mak Santu no Loos. Hau mak kaer xavi liurai David nian. Bainhira Hau loke odamatan, la iha ema ida mak bele taka fali. I bainhira hau taka odamatan, la iha ema ida mak bele loke. Hau nia lia menon mak nee: