Lucas 4:32 - Biblia Tetun Dili

³² Nia hanorin nee halo ema admira, tanba Nia hanorin no nia liafuan iha kbiit boot.

Lucas 4:32 Iomraidhean Croise

Marcos 1:22

Rona Nia hanorin nee, ema hotu admira, tanba Nia hanorin ho kbiit boot. Nia hanorin la hanesan mestri relijiaun Judeu sira nia hanorin.

Lucas 2:47

Ema hotu-hotu nebee rona Nia, admira teb-tebes, tanba Nia hatene klean i hataan mestri sira nia pergunta ho matenek.

Lucas 4:33

Iha uma kreda laran, iha mos mane ida, espiritu aat domina hela nia. I nia hakilar ho lian makaas dehan,

Lucas 4:36

Ema hotu admira hodi dehan ba malu, “Liafuan nee makaas duni! Ema nee iha autoridade no kbiit foo orden ba espiritu aat nee, i sira sai kedas.”

João 6:63

Maromak nia Espiritu mak lori moris loloos. Laos ema nia isin mak lori moris loloos. Maibee Hau nia Liafuan mai hosi Maromak nia Espiritu. Nunee Liafuan sira nee mos lori moris loloos ba ema.

João 7:46

Sira hataan, “La iha ema ida koalia hanesan Nia!”

2 Korintu 4:2

Ami la simu hahalok nebee ema halo sub-subar nebee halo moe. Ami la bosok, i la inventa Maromak nia liafuan. Maibee foo sai lia loos. Ho nunee ami hatudu ba ema hotu katak ami halao ami nia serbisu ho loloos iha Maromak nia futar oin.

1 Tesalonika 1:5

Tanba uluk, ami baa foo sai Nai Maromak nia Novidade Diak ba imi, laos ho liafuan deit, maibee ho poder hosi Espiritu Santu, i ami fiar metin katak Novidade Diak nee loos duni. Imi mos hatene katak ami moris iha imi nia leet so hodi halo diak ba imi.

Tito 2:15

Nee duni hanorin buat sira nee hotu ba sarani sira, i foo sai bebeik ba sira para halo tuir. See mak halo sala, o tenki hatete dehan, “Nee sala”. Keta husik ema la konsidera o, tanba o iha direitu atu koriji sira.