Lucas 4:2 - Biblia Tetun Dili

² Iha nebaa, diabu koko Jesus durante loron haat-nulu atu halo Nia monu ba sala. Durante tempu nee tomak, Jesus la haan buat ida, too Nia hamlaha atu-mate.

Lucas 4:2 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Ester 4:16

“Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Jonas 3:7

Liu tiha nee, liurai haruka ema ba iha sidade Ninive tomak hodi haruka nia povu mai halibur. I liurai hatete ba sira hotu dehan, “Haree baa! Ita nia hahalok aat halo ita hetan susar. Nunee, hau, imi nia liurai nee, ho funsionariu boot sira desidi ona katak: ema hotu-hotu tenki jejun para ita bele harohan hodi husu perdaun. La bele haan, la bele hemu. Animal sira mos nunee.

Mateus 21:18

Iha dadeer-saan tuir mai, Jesus fila fali ba sidade Jerusalém. Iha dalan, Nia senti hamlaha.

Mateus 4:2

Iha nebaa Jesus jejun durante loron haat-nulu, kalan haat-nulu, too Nia hamlaha atu mate.

Lucas 4:3

Depois diabu dehan ba Nia, “Se O Maromak nia Oan duni, haruka fatuk nee sai paun.”

João 4:6

Iha nebaa iha bee posu ida, naran ‘posu Jaco’. Iha meiudia, Jesus sira too iha nebaa. Nia senti kolen durante sira nia viajen, i Nia tuur deskansa iha bee posu nee. Nia eskolante sira husik hela Nia mesak iha nebaa, hodi baa sosa hahaan iha sidade. Depois feto ida hosi sidade Samaria nee baa kuru bee iha bee posu nee. Jesus husu ba nia dehan, “Mana, ita bele foo bee ituan mai hau hemu, ka?”

Ebreu 2:18

Nia rasik terus bainhira hetan tentasaun. Tanba nee Nia bele tulun ita bainhira ita mos hetan tentasaun.

Ebreu 4:15

Ita nia nai-lulik boot nee komprende liu ita, Nia hatene katak ita ema nee fraku. Nia hatene tulun ita tanba uluk Nia rasik hasoru tentasaun hotu-hotu hanesan mos ita. Maski nunee, Nia nunka monu ba sala.