Lucas 4:18 - Biblia Tetun Dili

¹⁸ “Nai Maromak nia Espiritu iha Hau. Tanba Nia foti ona Hau para foo sai Novidade Diak ba ema kiak sira. Nia haruka ona Hau foo hatene dehan, ema dadur sira sei livre fali, ema matan delek sira sei haree moos fali, sira nebee ema hanehan, sei moris livre,

Lucas 4:18 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Mateus 11:5

Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Mateus 12:18

“Haree baa! Nee Hau nia Atan nebee Hau hili. Hau hadomi Nia, i Hau nia laran haksolok nafatin ba Nia. Hau sei tau Hau nia Espiritu iha Nia, i Nia sei foo sai lia loos ba ema hosi nasaun hotu-hotu.

Mateus 12:20

Onu nebee besik atu tohar, Nia la silu tohar. Ahi oan nebee besik atu mate, Nia la huu mate. Nia sei hatudu Nia laran luak bebeik too lia loos mak manaan.

Mateus 4:16

Iha rai nee, uluk ema moris iha nakukun laran, maibee agora sira hetan ona naroman boot. Iha sira nia rain, uluk nakukun atu lori sira ba mate tinan ba tinan, maibee agora Naroman mosu ona hodi leno sira.”

Mateus 5:3

Jesus hanorin nunee: ”Ema sira nebee senti kiak iha Maromak nia futar oin no depende ba Nia, sira hetan bensaun, tanba sira nee Maromak nia ema.

Lucas 4:17

Sira foo profeta Isaias nia livru, i Nia loke hodi hetan liafuan sira nebee dehan,

Lucas 6:20

Jesus hateke ba Nia eskolanti sira i dehan, “Imi nebee kiak, imi hetan bensaun, tanba Nai Maromak mak imi nia Liurai.

Lucas 7:22

Entaun Jesus hataan ba João nia eskolanti sira nunee: “Imi fila baa konta ba João kona ba buat hotu-hotu nebee imi ohin haree no rona rasik, ‘Ema matan delek, bele haree. Ema ain aat lao la diak, bele lao. Ema moras lepra, isin sai moos. Ema tilun diuk, bele rona. Ema mate, moris fila fali. Ema kiak, rona Novidade Diak.’

João 1:41

Fila ho fila Andre baa buka kedas nia maun Simão hodi dehan, “Maun! Ami hasoru ona Mesias!” (Ho sira nia lian, ‘Mesias’ nia signifikadu dehan, ‘Kristu, Ema nebee Maromak promete ona hori uluk atu haruka mai.’)

João 12:46

Hau mai atu sai hanesan naroman ba mundu nee, para ema hotu nebee fiar ba Hau la moris iha nakukun laran.

João 3:34

Ema ida nebee Maromak haruka mai nee, hatoo Nai Maromak nia lia menon. Tanba Maromak foo ona Nia Espiritu ba Nia la sukat.

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Apostolu sira nia Istoria 4:26

Liurai sira iha mundu prepara aan hamutuk, ho nai ulun sira kombina lia ida, hodi kontra Nai Maromak ho kontra Ema ida nebee Maromak hili ona.’

Apostolu sira nia Istoria 4:27

Buat nebee liurai David hakerek agora sai loos duni. Iha sidade nee, liurai Erodes ho governador Pónsiu Pilatus hamutuk ona ho nai ulun sira hosi Israel, ho nai ulun sira hosi nasaun seluk. Sira hotu kombina hodi kontra Jesus, Ita Boot nia Oan Santu, nebee Ita Boot hili ona. Nia sempre halo tuir Ita Boot nia hakarak.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.