Lucas 3:36 - Biblia Tetun Dili

³⁶ Xela nia aman Kenan. Kenan nia aman Arpaxad. Arpaxad nia aman Sem. Sem nia aman Noé. Noé nia aman Lamek.

Lucas 3:36 Iomraidhean Croise

Jenesis 5:3

Bainhira Adão tinan 130, nia hetan oan mane ida, oin hanesan nia aman. Nia tau naran ba labarik nee, Sete.

Jenesis 6:22

I Noé halo tuir buat hotu nebee mak Nai Maromak haruka.

Jenesis 7:13

Iha loron nee, Noé ho nia kaben, ho nia oan nain tolu nee mak, Sem, Jafé ho Kam, ho nia feto foun sira hotu tama ba roo laran.

Jenesis 8:1

Maibee Nai Maromak la haluha Noé sira ho animal hotu-hotu nebee hamutuk ho nia iha roo laran nee. Entaun Nia haruka anin boot mai huu halo tuun tiha bee nee.

Jenesis 9:1

Nai Maromak foo bensaun ba Noé ho ba nia oan sira, hodi hatete, “Imi tenki iha oan barak baa, hodi halo nakonu mundu.

Jenesis 9:18

Noé nia oan sira nebee sai hosi roo, mak nee: Sem, Jafé no Kam. (Kam nee Kanaán nia aman.)

Lucas 17:27

Iha tempu nebaa, sira haan-hemu, sira kaben no halo festa kazamentu hanesan baibain, too loron Noé tama ba roo boot laran. Depois, bee boot sae, halo sira mate hotu.

Lucas 3:35

Naor nia aman Serug. Serug nia aman Reú. Reú nia aman Peleg. Peleg nia aman Eber. Eber nia aman Xela.

Lucas 3:37

Lamek nia aman Matusalém. Matusalém nia aman Enok. Enok nia aman Jared Jared nia aman Malaliel. Malaliel nia aman Kenan.

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.

1 Pedro 3:20

Espiritu sira nee mak uluk lakohi halo tuir Nai Maromak nia liafuan iha Noé nia tempu. Bainhira Noé halo roo boot, Nai Maromak hein ho pasiensia para ema sira nee hakribit sira nia sala, maibee sira lakohi arepende. Too ikus bee sae, i ema nain walu deit mak moris tanba tama ba roo laran.

2 Pedro 2:5

Nunee mos Maromak kastigu ema sira nebee moris iha Noé nia tempu uluk. Iha tempu nebaa Maromak halo rai nabeen hodi halo mate ema hotu nebee la interese Nia. Maromak salva deit Noé ho nia familia ema nain hitu. Noé nee ema ida nebee foo sai lia loos.