Lucas 3:3 - Biblia Tetun Dili

³ Entaun João baa iha fatin-fatin besik mota Jordaun hodi foo hatene ba povu dehan, “Husik ona imi nia sala hodi entrega imi nia aan ba sarani, para Nai Maromak hamoos imi nia sala.”

Lucas 3:3 Iomraidhean Croise

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Lucas 1:16

Nia sei lori ema Israel barak fila fali ba sira nia Nai Maromak.

Lucas 1:77

O sei foo hatene ba Maromak nia povu dehan, Maromak sei hamoos sira nia sala hodi salva sira,

Lucas 4:1

Sarani hotu tiha, Jesus husik mota Jordaun. Nia nakonu ho Espiritu Santu. I Espiritu Santu lori Jesus ba iha rai fuik maran.

João 1:28

Buat sira nee akontese iha Betania, iha mota Jordaun nia sorin baa. João ho nia eskolante sira sarani ema iha nebaa.

João 3:26

I sira baa foo hatene ba João dehan, “Mestri! Ita sei hanoin, ka lae? Ema nebee buka ita iha mota Jordaun nia sorin nee, Nia mak Kristu, ka? Nia mos sarani ema! I ema hotu baa iha Nia.”

Apostolu sira nia Istoria 13:24

“Molok Nai Jesus hahuu Nia serbisu, iha ema ida naran João foo sai ba ema Israel hotu-hotu katak sira tenki husik ona sira nia sala, i tenki sarani hanesan sinal katak sira diak malu fali ona ho Maromak.

Apostolu sira nia Istoria 19:4

Paulo hatete, “João sarani ema hanesan sinal katak sira husik ona sira nia sala. Maibee nia mos hanorin ema Israel, para sira tenki fiar ba Jesus, Ema nebee Maromak atu haruka mai nee.”

Apostolu sira nia Istoria 22:16

Ita hein tan saida?! Hamriik! Baa sarani ona! Nee hanesan sinal katak irmaun husu ba Nai Jesus hamoos ita nia sala hotu.’ ”