Lucas 3:16 - Biblia Tetun Dili

¹⁶ Maibee João hatete ba sira hotu, “Hau sarani imi ho bee deit. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Ema nee la sarani imi ho bee, maibee Nia sei sarani imi ho Espiritu Santu no ho ahi.

Lucas 3:16 Iomraidhean Croise

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Mateus 3:12

Nia hanesan natar nain nebee prontu ona atu haketak hare isin ho hare kulit sira nee. Hotu tiha, hare isin Nia sei rai didiak iha armazen, maibee hare kulit nia soe tiha ba ahi ida nebee nunka mate.”

João 1:26

João hataan, “Hau sarani ema ho bee deit. Maibee iha ona Ema ida iha imi nia leet nebee imi la konhese.

João 1:27

Nia boot liu hau. Maski hau mak hanorin uluk, maibee atu kore deit nia sandalias talin mos, hau la serve.”

João 7:38

Ema nebee fiar ba Hau, mai hemu bee nee! Tan Maromak nia Eskritura Sagrada hakerek ona dehan, ‘bee nebee lori moris sei fakar sai hosi ema fiar sira nia fuan-laran.’ I sira hetan moris loloos. Nunee, sira mos tulun ema seluk para hetan moris loloos nee.”

Apostolu sira nia Istoria 1:5

Uluk João sarani imi ho bee, maibee iha loron hira tan, Nai Maromak sei foo Nia Espiritu Santu hodi domina imi.”

Apostolu sira nia Istoria 10:44

Pedro sei koalia hela nunee, derepenti Nai Maromak nia Espiritu Santu tuun ba ema hotu nebee rona nia liafuan.

Apostolu sira nia Istoria 2:33

Agora Nai Maromak foti ona Jesus hodi tuur iha Nai Maromak nia sorin loos, iha fatin aas. I Jesus simu Espiritu Santu hosi Nia Aman hodi foo fali mai ami, tuir Nai Maromak promete ona hori uluk. Saida mak imi rona ho haree agora nee, Maromak nia Espiritu nia serbisu.

1 Korintu 12:13

Ita hotu Maromak kesi metin ho Espiritu ida. Nee mak bainhira ita sarani, ita sai povu ida deit. Atu ita ema Judeu ka gregu, ema atan ka ema livre, Maromak foo Espiritu ida deit mai ita hotu. Nee hanesan ita hotu hemu bee nebee lori moris hosi bee matan nebee hanesan.