Lucas 3:11 - Biblia Tetun Dili

¹¹ Nia hataan, “Se o iha faru tahan rua, foo ida ba ema nebee la iha. Se o iha hahaan, fahe mos ba ema nebee la iha.”

Lucas 3:11 Iomraidhean Croise

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Lucas 11:41

Dukee imi hamoos deit bikan nia liur, diak liu foo buat nebee imi iha ba ema kiak sira. Se imi halo nunee mak imi sai moos iha Nai Maromak nia futar oin.

Lucas 18:22

Rona nunee, Jesus hataan, “Maibee o sei falta buat ida nebee o tenki halo. Agora baa faan tiha o nia rikusoin hotu, i osan nee fahe ba ema kiak. Nunee mak o sei hetan fali rikusoin iha lalehan. Depois mai tuir Hau.”

Lucas 19:8

Bainhira iha uma ona, Zaqueu hamriik hodi dehan ba Nai Jesus, “Nai, agora kedas rikusoin hotu nebee hau iha, sorin balu hau foo ba ema kiak sira. I se hau han-matak ema ruma, hau selu fali sira dala haat.”

João 13:29

Judas nee mak sira nia tezoreiru. Entaun, balu hanoin katak Jesus nia koalia ohin nee haruka Judas, “Baa sosa hahaan ruma ba ita haan iha festa Paskua.” Iha balu mos hanoin dehan, “Baa foo osan ituan ba ema kiak sira.”

Apostolu sira nia Istoria 10:2

Nia ema ida ke adora ho hamtauk ba Maromak, i nia familia uma laran tomak mos hanesan. Nia sempre foo ajuda ho laran luak ba ema Judeu sira nebee kiak, i sempre halo orasaun ba Nai Maromak.

Apostolu sira nia Istoria 10:31

Nia dehan, ‘Nai Maromak rona ona o nia orasaun, i Nia haksolok ho ajuda nebee o foo ba ema kiak sira.

Apostolu sira nia Istoria 10:4

Nia hateke ba anju nee ho tauk teb-tebes. Nia husu, “Senhor, iha saida?” Anju nee hataan, “Nai Maromak rona ona o nia orasaun, i Nia haksolok ho ajuda nebee o foo ba ema kiak sira.

Efezu 4:28

Ema nebee naok-teen, la bele naok tan ona. Maibee nia tenki serbisu makaas ho nia liman rasik hodi sustenta nia aan ho mos hodi foo tulun ba ema sira nebee presiza.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

1 Timóteo 6:18

Hatete ba sira para halo buat nebee diak hodi tulun ema seluk. Sira la bele karak, maibee tenki prontu fahe buat nebee sira iha.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

Tiago 1:27

Tuir Maromak nebee loos i la iha sala mak hanesan nee: ajuda feto faluk ho oan kiak sira nebee terus, i kuidadu aan atu la bele husik mundu nia hakarak dada ita ba hahalok aat.

Tiago 2:14

Maun-alin sira, se imi fiar ba Maromak, maibee imi la hatudu imi nia fiar ho hahalok diak, fiar hanesan nee la iha folin i la salva imi.

1 João 3:17

Se ema ida iha hahaan ka hena, maibee la foo ba nia maluk nebee moris iha susar nia laran, oinsaa nia bele dehan nia hadomi Nai Maromak?!

1 João 4:20

Se ema ruma dehan, “Hau hadomi Nai Maromak,” maibee odi nia maluk, ema nee bosok-teen. Tanba se nia la hadomi nia maluk nebee nia haree, susar liu nia hadomi Nai Maromak nebee nia la haree.