Lucas 24:41 - Biblia Tetun Dili

⁴¹ Sira seidauk fiar, tanba sira haksolok demais no admira. Entaun Jesus husu ba sira, “Iha hahaan ruma iha nee? Foo ituan mai.”

Lucas 24:41 Iomraidhean Croise

Marcos 16:11

I Maria foo sai ba sira dehan, “Tanba saa mak imi sei laran tristi? Lalika tristi tan, tanba Jesus moris fali ona! Hau foin hasoru malu ho Nia!” Maibee sira hataan, “O bosok!”

Marcos 16:13

Depois sira nain rua fila fali hodi foo hatene ba sira nia kolega sira, “Imi rona lai. Foin dadauk nee, ami hasoru Jesus iha dalan.” Maibee sira nia kolega hataan, “Bosok! Ami la fiar!”

Marcos 16:14

Nee liu tiha, Jesus hasoru malu ho Nia eskolanti nain sanulu resin ida, bainhira sira haan hela. Nia hasee sira, dehan, “Imi nee ulun fatuk toos duni! Ema hatete ona ba imi katak, sira haree Hau ho sira nia matan rasik, maibee imi la fiar! Imi dehan, sira bosok. Agora, Hau rasik mak mai nee. Hau mate tiha ona, maibee Hau moris fali ona. Imi haree rasik baa.

Marcos 8:7

Sira mos iha ikan ituan. Jesus foo agradese tan ba Nai Maromak ba ikan nee, depois Nia haruka Nia eskolanti sira fahe tan ikan ba ema barak nee.

Lucas 24:11

Maibee apostolu sira la fiar, sira hanoin dehan senhora sira koalia nar-naran deit.

Lucas 24:40

Koalia tiha hotu, Jesus mos hatudu Nia liman ho Nia ain ba sira.

Lucas 24:42

Sira foo ikan tunu pedasuk ida ba Nia.

João 16:22

Nunee mos ho imi. Agora imi laran susar no tristi. Maibee la kleur Hau sei mai haree fali imi, nunee imi nia laran kontenti fali. I bainhira buat nee akontese ona, la iha ema ida mak bele impede imi nia laran haksolok nee.

João 21:5

Entaun Jesus bolu ba sira, “Alin sira! Imi hetan ikan ruma, ka?” Sira hataan, “Mamuk loos, la hetan buat ida.”

Apostolu sira nia Istoria 12:14

Rona Pedro nia lian, nia hatene kedas. Tanba nia kontenti demais, nia la hanoin atu loke portaun, nia halai ba laran, hatete ba sira, “Pedro hamriik hela iha liur.”