Lucas 24:39 - Biblia Tetun Dili

³⁹ Haree took Hau nia liman ho ain. Hau rasik mak nee! Lolo liman hodi kaer rasik baa, para imi bele hatene katak, Hau laos mate klamar. Tanba mate klamar la iha isin no ruin, maibee imi haree ona, Hau iha isin duni.”

Lucas 24:39 Iomraidhean Croise

Lucas 23:46

Jesus bolu ho lian makaas dehan, “Hau nia Aman, Hau entrega Hau nia klamar ba Ita Boot nia liman.” Koalia tiha nunee, Nia iis mos kotu.

Lucas 24:38

Maibee Jesus dehan ba sira, “Nusaa mak imi tauk? Nusaa mak imi laran rurua?

Lucas 24:40

Koalia tiha hotu, Jesus mos hatudu Nia liman ho Nia ain ba sira.

João 20:20

Bainhira Jesus hasee sira nunee, Nia mos hatudu Nia kanek nebee iha Nia liman no Nia knosen. Nia eskolante sira haksolok teb-tebes bainhira haree sira nia Nai.

João 20:25

Nee mak bainhira nia kolega sira dehan, “ami hasoru tiha ona ita nia Nai,” nia hataan, “hau tenki haree no kaer uluk pregu fatin iha Nia liman, no hau tenki hatama hau nia liman fuan ba Nia knosen. Se hau seidauk halo nunee, hau seidauk fiar dehan, Nia moris fali ona.”

João 20:27

I Nia koalia ba Tome dehan, “Tau o nia liman fuan ba iha pregu fatin no haree didiak baa. Lolo o nia liman mai hatama ba Hau nia knosen. Entaun fiar ona ba, dehan katak Hau moris fali ona. Husik tiha o nia laran rurua nee.”

1 Tesalonika 5:23

Hau husu Nai Maromak nebee foo paz, atu halo imi moris ho laran moos iha imi nia vida tomak. Hau husu para Nia halo imi nia isin no klamar tomak la iha noda ida, too Nai Jesus fila fali mai.

Ebreu 12:9

Ita baibain respeita ita nia aman sira iha mundu tanba sira foo disiplina mai ita. Se nunee, saa tan ita nia Aman iha lalehan, ita tenki respeita liu tan hodi hakruuk ba Nia para ita bele hetan moris rohan-laek.

1 João 1:1

Surat nee koalia kona ba Liafuan nebee foo Moris. Liafuan nebee foo Moris nee, Nia iha hori uluk kedas, molok Nai Maromak halo mundu nee. Ami rona ona Nia lian, ami haree Nia ho ami nia matan rasik, ami akompanha Nia, ami mos kaer rasik ho liman.