Lucas 24:36 - Biblia Tetun Dili

³⁶ Sira sei koalia hela nunee, derepenti deit, Jesus rasik hamriik iha sira nia klaran. Nia kumprimenta sira dehan, “Nai Maromak foo paz ba imi!”

Lucas 24:36 Iomraidhean Croise

Mateus 10:13

Se uma nain simu imi nia liafuan nee ho diak, sira sei hetan bensaun. Se lae, Maromak dada fila fali bensaun nee hosi sira.

Marcos 16:14

Nee liu tiha, Jesus hasoru malu ho Nia eskolanti nain sanulu resin ida, bainhira sira haan hela. Nia hasee sira, dehan, “Imi nee ulun fatuk toos duni! Ema hatete ona ba imi katak, sira haree Hau ho sira nia matan rasik, maibee imi la fiar! Imi dehan, sira bosok. Agora, Hau rasik mak mai nee. Hau mate tiha ona, maibee Hau moris fali ona. Imi haree rasik baa.

Lucas 10:5

Bainhira imi tama iha uma ida, hatete ba sira, “Nai Maromak foo paz ba uma kain nee.”

João 14:27

Bainhira Hau baa ona, Hau halo imi bele moris iha dame no laran hakmatek. So Hau deit mak bele foo laran hakmatek hanesan nee. Buat hotu iha mundu nee la halo imi laran hakmatek. Nunee, la bele laran taridu no tauk.

João 16:33

Hau foo hatene ona buat sira nee ba imi, para imi nia laran bele hakmatek, tanba imi metin ho Hau. Tan ema iha mundu nee sei halo susar no terus imi. Maibee imi laran metin baa, tanba Hau manaan tiha ona forsa mundu nian hotu.”

João 20:26

Liu tiha semana ida, Jesus nia eskolante sira hamutuk ho Tome iha uma ida. Odamatan hotu taka metin, maibee Jesus tama ba hamriik iha sira nia klaran. Nia hasee sira dehan, “Paz i hakmatek ba imi!”

1 Korintu 15:5

Bainhira Nia moris fali, Kristu hatudu Aan ba Pedro, depois ba Nia eskolanti sanulu resin rua.

1 Korintu 15:7

Depois Nia hatudu Aan fali ba Tiago, foin ba apostolu sira hotu.

2 Tesalonika 3:16

Hau harohan atu Nai Jesus foo paz ba imi iha situasaun saida deit. Tan Nia mak paz nia huun. I hau husu atu Nai Jesus sempre hamutuk ho imi.

Apokalipse 1:4

Maluk sarani sira hosi sidade hitu iha provinsia Ázia, hau João harohan ba Nai Maromak ho Nia Espiritu ho mos Jesus Kristu para hatudu Sira nia grasa ba imi i foo paz ho hakmatek ba imi. Maromak iha hori uluk kedas, agora iha, i iha nafatin too tinan ba tinan. Nia Espiritu nee hatudu Aan mai hau hanesan espiritu hitu nebee iha hela kadeira ukun nia oin. I Jesus Kristu sempre foo sasin nebee loos, Nia mak ema primeiru nebee moris fali hosi mate, i Nia mak ukun liurai hotu-hotu iha mundu nee.