Lucas 24:27 - Biblia Tetun Dili

²⁷ Depois Jesus esplika ba sira kona ba buat hotu-hotu nebee hakerek ona iha Sagrada Eskritura kona ba Nia Aan, komesa hosi Moisés nia livru, no profeta sira seluk nia livru.

Lucas 24:27 Iomraidhean Croise

Jenesis 12:3

Hau sei foo bensaun ba ema nebee foo bensaun ba o. Maibee Hau sei foo malisan ba ema nebee foo malisan ba o. Rona didiak mai! Nasaun hotu-hotu iha mundu sei hetan bensaun liu hosi o.”

Jenesis 22:18

Liu hosi o nia jerasaun, nasaun hotu-hotu iha mundu sei hetan bensaun, tanba o tuir ona Hau nia liafuan.’ ”

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Jenesis 49:10

O nee sei kaer ukun. O nia jerasaun sira mos sei kaer ukun tutuir malu, too iha ida mak iha direitu liu hodi tuur kaer ukun nee. I nasaun sira hotu sei hakruuk i rona ba Nia.

Marcos 4:34

Nia baibain hanorin ema barak ho komparasaun. Maibee ba Nia eskolanti sira, Nia foo hatene komparasaun sira nee nia signifikadu, para sira bele komprende didiak.

Lucas 24:25

Jesus hatete ba sira, “Imi ulun toos duni! Nusaa mak imi la fiar nafatin liafuan sira nebee Maromak nia profeta sira foo sai ona hori uluk!?

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

João 1:45

Depois Filipe baa buka Natanael, hodi hatete dehan, “Ami hasoru ona Ema nebee Maromak hatudu ba Moisés iha nia eskritura. Maromak nia profeta sira iha tempu uluk mos hakerek ona kona ba Ema nee. Nia naran Jesus, hosi aldeia Nazaré. Nia aman naran José.”

João 12:41

Isaias koalia nunee, tanba nia haree ona Jesus nia naroman-nabilan, i nia konta kedas kona ba Jesus.

João 5:37

Nia nebee haruka Hau mai, mak foo sasin loos kona ba Hau. Imi nunka rona Nia lian, i nein haree Nia oin.

João 5:39

Imi gosta estuda didiak Eskritura Sagrada, tanba imi hanoin hosi nebaa imi sei hetan moris rohan laek. Afinal Liafuan sira nee foo hatene kona ba Hau.

Apostolu sira nia Istoria 10:43

Nai Maromak nia profeta sira uluk mos, hotu-hotu koalia kona ba Jesus nee katak, see mak fiar ba Nia, Nai Maromak sei hamoos nia sala.”

Apostolu sira nia Istoria 3:18

Maibee liu hosi dalan nee Nai Maromak kumpri Nia liafuan nebee Nia foo sai hori uluk ona, liu hosi Nia profeta sira, dehan Ema ida nebee Nia hili ona nee, tenki hetan terus barak.

Apostolu sira nia Istoria 3:22

Uluk profeta Moisés koalia kona ba Nai Jesus dehan, ‘Nai Maromak sei foti ema ida hosi imi para sai Nia profeta, hanesan hau. Imi tenki see tilun hodi rona buat nebee mak Nia atu foo sai ba imi.

Apostolu sira nia Istoria 3:24

Profeta Samuel ho profeta sira seluk mos, Nai Maromak uza hodi foo sai kona ba buat nebee mak ita haree agora.

Apostolu sira nia Istoria 7:37

Moisés nee mak foo hatene ba povu Israel dehan, ‘Nai Maromak sei foti ema ida hosi imi nia leet hodi sai Nia profeta, hanesan Nia foti ona hau.’

Apostolu sira nia Istoria 8:35

Entaun Filipe esplika ba nia Nai Jesus nia Novidade Diak, hahuu hosi Isaias nia hakerek ohin nee.

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”