Lucas 24:25 - Biblia Tetun Dili

²⁵ Jesus hatete ba sira, “Imi ulun toos duni! Nusaa mak imi la fiar nafatin liafuan sira nebee Maromak nia profeta sira foo sai ona hori uluk!?

Lucas 24:25 Iomraidhean Croise

Mateus 26:24

Hau, Ema Oan tenki mate duni tuir buat nebee hakerek tiha ona iha Livru Sagradu. Maibee ema nebee faan Hau nee, sei terus teb-tebes. Diak liu ema ida nee lalika moris.”

Marcos 16:14

Nee liu tiha, Jesus hasoru malu ho Nia eskolanti nain sanulu resin ida, bainhira sira haan hela. Nia hasee sira, dehan, “Imi nee ulun fatuk toos duni! Ema hatete ona ba imi katak, sira haree Hau ho sira nia matan rasik, maibee imi la fiar! Imi dehan, sira bosok. Agora, Hau rasik mak mai nee. Hau mate tiha ona, maibee Hau moris fali ona. Imi haree rasik baa.

Marcos 7:18

Jesus hataan, “Imi mos la komprende, ka? Komparasaun nee nia signifikadu nunee: saida deit mak ema haan, nee diak. Maibee saida deit mak sai hosi ema nia laran, nee mak la diak. Tanba saida deit mak ema haan, tama ba kabun, depois sai fila fali. (Nunee Nai Jesus hatete dehan, ema bele haan hahaan saida deit. La bandu.)

Marcos 9:19

Rona nunee, Jesus koalia makaas ba Nia eskolanti sira, “Imi nee demais ona! Hau hanorin bebeik ba imi, maibee imi la komprende nafatin deit. Imi seidauk fiar deit Hau. Hau tenki pasiensia ba imi too bainhira?! Lori labarik nee mai iha nee!”

Lucas 24:24

Nunee ami nia kolega balu halai kedas ba rate. Too iha rate, sira haree katak, buat nebee senhora sira konta nee, loos duni. Sira mos la haree Jesus nia mate isin.”

João 5:39

Imi gosta estuda didiak Eskritura Sagrada, tanba imi hanoin hosi nebaa imi sei hetan moris rohan laek. Afinal Liafuan sira nee foo hatene kona ba Hau.

1 Korintu 15:3

Hanorin nebee hau simu, hau foo tutan ona ba imi. Hanorin nee nia huun mak nee: Kristu mate tanba ita nia sala, tuir hakerek nanis ona iha Livru Sagradu.