Lucas 24:11 - Biblia Tetun Dili

¹¹ Maibee apostolu sira la fiar, sira hanoin dehan senhora sira koalia nar-naran deit.

Lucas 24:11 Iomraidhean Croise

Jenesis 19:14

Entaun Lo baa foo hatene ba mane nain rua nebee atu kaben ho nia oan feto sira, dehan, “Rona didiak mai! Agora imi sai lalais hosi nee ona, tanba NAI Maromak atu harahun sidade nee.” Maibee sira hanoin nia koalia halimar ho sira.

Marcos 16:11

I Maria foo sai ba sira dehan, “Tanba saa mak imi sei laran tristi? Lalika tristi tan, tanba Jesus moris fali ona! Hau foin hasoru malu ho Nia!” Maibee sira hataan, “O bosok!”

Marcos 16:13

Depois sira nain rua fila fali hodi foo hatene ba sira nia kolega sira, “Imi rona lai. Foin dadauk nee, ami hasoru Jesus iha dalan.” Maibee sira nia kolega hataan, “Bosok! Ami la fiar!”

Marcos 16:14

Nee liu tiha, Jesus hasoru malu ho Nia eskolanti nain sanulu resin ida, bainhira sira haan hela. Nia hasee sira, dehan, “Imi nee ulun fatuk toos duni! Ema hatete ona ba imi katak, sira haree Hau ho sira nia matan rasik, maibee imi la fiar! Imi dehan, sira bosok. Agora, Hau rasik mak mai nee. Hau mate tiha ona, maibee Hau moris fali ona. Imi haree rasik baa.

Lucas 24:25

Jesus hatete ba sira, “Imi ulun toos duni! Nusaa mak imi la fiar nafatin liafuan sira nebee Maromak nia profeta sira foo sai ona hori uluk!?

Lucas 24:41

Sira seidauk fiar, tanba sira haksolok demais no admira. Entaun Jesus husu ba sira, “Iha hahaan ruma iha nee? Foo ituan mai.”

Apostolu sira nia Istoria 12:9

Pedro tuir anju nee sai hosi kuartu kadeia laran. Nia hanoin nee mehi ida. Afinal tebes duni.