Lucas 23:34 - Biblia Tetun Dili

³⁴ [Jesus halo orasaun dehan, “Hau nia Aman, foo perdaun ba ema sira nee nia sala, tanba sira la hatene saida mak sira halo.”] Depois soldadu sira dada rifa hodi fahe Jesus nia hena ba malu.

Lucas 23:34 Iomraidhean Croise

Jenesis 50:17

foo hatene ba senhor dehan, ‘José tenki foo perdaun ba nia maun sira nia sala, nebee uluk sira halo ba nia.’ Nee mak agora ami mai husu perdaun. Tanba ami Maromak nia atan, hanesan uluk ita nia aman.” Rona nunee José mos tanis.

Mateus 11:25

Iha tempu nee, Jesus agradese ba Maromak dehan, “Hau nia Aman, lalehan ho rai nia Nain, Hau agradese ba Ita Boot, tanba Ita Boot taka buat sira nee ba ema matenek ho ema eskola boot, maibee Ita Boot hatudu fali ba ema nebee kiik.

Mateus 11:26

Hau nia Aman, ida nee halo Ita Boot nia laran haksolok.”

Mateus 5:44

Maibee Hau hatete ba imi, hadomi imi nia inimigu sira, i harohan ba Maromak para tulun ema nebee halo terus imi.

Marcos 15:24

Depois soldadu sira latan Jesus iha ai krus hodi hedi Nia. Depois sira harii tiha ai krus nee, mais-ou-menus iha tuku sia dadeer-saan. I soldadu sira halo rifa para hatene see mak bele hetan Jesus nia hena.

Lucas 22:42

“Hau nia Aman, se Ita Boot hakarak, hasai tiha terus ida nee hosi Hau. Maibee la bele halo tuir Hau nia hakarak, halo tuir deit Ita Boot nia hakarak.”

João 17:9

Hau halo orasaun kona ba sira. Hau laos halo orasaun kona ba ema hotu iha mundu nee. Maibee Hau halo orasaun deit kona ba ema nebee Aman foo ona mai Hau, tan sira nee Aman ninian.

João 19:11

Jesus hataan, “Senhor, se ita iha kbiit nunee, nee tanba Nai Maromak mak foo kbiit ba ita. Tan Nia mak foo lisensa ba ita hodi halo saida deit ba Hau. Maibee ema nebee foo Hau ba senhor, sira nee mak sei lori sala todan liu.”

Apostolu sira nia Istoria 16:28

Maibee Paulo bolu ho lian makaas dehan, “Senhor, keta oho aan! Ami hotu sei iha nee.”

Apostolu sira nia Istoria 3:17

Maun-alin sira, hau hatene katak bainhira imi ho imi nia boot sira halo aat ba Jesus, imi la hatene saida mak imi halo.

Apostolu sira nia Istoria 7:60

Nia hakneak, i hakilar ho lian makaas dehan, “Aman Maromak, la bele foo sala nee ba sira!” I nia mate.

Roma 12:14

Se iha ema ruma halo terus imi, husu ba Maromak foo bensaun ba sira. Tenki husu bensaun, la bele husu atu Maromak foo malisan.

1 Korintu 2:8

Nai Jesus nee makaas teb-tebes. Maibee ukun nain sira iha mundu nee, la iha ida mak komprende Maromak nia planu kona ba Nia. Se sira konhese Nia, sira la brani oho ita nia Nai iha krus.

1 Korintu 4:12

Ami serbisu makaas ho ami nia liman rasik hodi sustenta ami nia aan. Bainhira ema foo malisan mai ami, ami husu Maromak foo bensaun ba sira. Bainhira ema halo terus ami, ami aguenta deit.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.

1 Pedro 3:9

Se ema ruma halo aat ba imi, la bele halo aat fali ba sira. Se ema ruma hatete aat imi, la bele hatete aat fali sira, maibee foo bensaun ba sira, tanba Nai Maromak bolu imi atu halo nunee para imi mos hetan bensaun.