Lucas 23:2 - Biblia Tetun Dili

² Too iha governador nia oin, sira komesa foo sala ba Jesus dehan, “Ami kaer toman Ema nee tau lia ba povu para kontra estadu. Nia haruka povu la bele selu impostu ba liurai boot César. Nia mos deklara katak, Nia mak Kristu, ema Judeu sira nia liurai.”

Lucas 23:2 Iomraidhean Croise

Mateus 17:27

Maibee atu sira la bele laran moras ba ita tanba deit ita la selu impostu nee, o baa kail ikan iha tasi. Ikan primeiru nebee o hetan, loke nia ibun, hodi foti osan mutin ida iha ikan nee nia ibun laran. Osan nee too hodi selu ita nain rua nia impostu.”

Mateus 22:21

Sira hataan, “Liurai boot César nian.” Jesus hatete ba sira, “Se nunee, foo ba estadu buat nebee estadu nian, i foo ba Maromak buat nebee Maromak nian.”

Mateus 27:11

Bainhira Jesus hamriik iha governador Pilatus nia oin, governador husu ba Nia, “O mak ema Judeu sira nia Liurai ka?” Jesus hataan, “Ita rasik mak dehan nunee.”

Marcos 12:17

Entaun Jesus dehan tan ba sira, “Se nunee, imi foo ba estadu buat nebee mak estadu nian. I foo ba Nai Maromak buat nebee mak Nai Maromak nian.” Rona Nia hataan nunee, sira hotu admira, tanba Nia koalia nee loos. Nunee sira koko Jesus, maibee la hetan.

Marcos 15:2

Bainhira sira too iha governador, nia husu ba Jesus, “Oinsaa? Loos ka, O mak ema Judeu sira nia liurai duni?” Jesus hataan, “Loos. Senhor Governador dehan nee, loos duni.”

Lucas 23:14

I nia foo sai nia desizaun dehan, “Imi lori Ema nee mai hau hodi foo sala ba Nia dehan, Nia sempre tau lia ba povu para kontra estadu. Maibee hau investiga tiha ona Nia iha imi nia oin, i hau la hetan Nia sala ida atu bele kastigu Nia.

Lucas 23:5

Maibee sira ulun toos nafatin hodi protesta dehan, “Lae, Nia tau lia ba povu no hanorin iha nebee ba nebee para povu halo rungu-ranga, komesa hosi provinsia Galileia, too iha rai Judeia tomak, mai too iha nee.”

João 18:29

Entaun governador Pilatus sai ba liur hasoru ho ema Judeu sira nee. Nia husu, “Imi foo sala saida ba Ema ida nee?”

João 18:30

Sira hataan, “Senhor, se Nia laos ema aat ida, ami la lori nia mai iha nee. Saa tan entrega Nia ba ita nia liman.”

João 19:12

Liu hosi sira koalia nee, governador buka dalan hodi husik Jesus. Maibee ema Judeu sira hakilar makaas liu tan dehan, “Se senhor husik Ema ida nee, entaun senhor laos ona liurai boot Cesar nia belun. Tan ema nebee foti nia aan nudar liurai, nia kontra liurai boot Cesar.”

Apostolu sira nia Istoria 24:13

Maski ema sira nee foo sala mai hau, maibee sira la hatudu katak, buat nebee sira dehan nee loos.

Apostolu sira nia Istoria 24:5

Tuir ami haree, ema nee hanesan moras aat ida ke daet iha fatin ida ba fatin seluk. Iha nebee-nebee deit nia sempre tau lia ba ema Judeu sira para halo rungu-ranga. Nia mos ulun ida hosi grupu relijiaun ida nebee ema bolu ‘ema Nazaré’. Sira nia hanorin la haan malu ho ami nia relijiaun Judeu nian.

Roma 13:7

Entaun foo ba ukun nain sira tuir imi nia obrigasaun. Selu taxa no impostu ba governu tuir imi nia obrigasaun. Foo respeitu no gava ema nebee merese atu simu.