Lucas 22:53 - Biblia Tetun Dili

⁵³ Afinal loro-loron Hau hamutuk hela ho imi iha area Uma Kreda Boot nian, i imi la kaer Hau. Maibee agora imi nia tempu, no mos agora forsa nakukun nia tempu.”

Lucas 22:53 Iomraidhean Croise

Mateus 21:23

Depois Jesus tama iha area uma kreda boot hodi hanorin iha nebaa. Nia sei hanorin hela, nai lulik nia ulun sira ho lider katuas judeu sira mai husu ba Jesus, “O iha kbiit saida para halo buat sira nee? See mak foo kbiit nee ba O?”

Lucas 22:52

Ema sira nebee mai atu kaer Jesus nee mak nai lulik Judeu nia xefi sira, xefi seguransa sira iha Uma Kreda Boot, ho lideransa sira. Jesus husu ba sira, “Nusaa mak imi mai kaer Hau lori surik ho ai dona? Imi hanoin Hau ema aat ka?

Lucas 22:54

Depois sira kaer Jesus, i lori Nia ba iha nai lulik boot nia uma. Pedro lao tutuir hosi dook deit.

João 12:27

Jesus koalia tan dehan, “Hau senti laran susar. Maibee Hau atu dehan saida tan? Hau tenki husu dehan, ‘Hau nia Aman, hasai Hau para Hau la bele mate agora,’ ka? Lae! Hau la husu nunee, tanba Nia haruka Hau mai para Hau mate duni.

João 13:30

Bainhira Judas simu tiha paun nee, nia sai kedas, i rai mos kalan ona.

João 14:30

La kleur tan, Hau la koalia tan ho imi ona, tanba diabu mai ona. Nia mak kaer ukun iha mundu nee, maibee nia la iha kbiit hodi domina Hau.

João 7:30

Entaun sira koko atu kaer Nia. Maibee la iha ema ida mak bele kaer Nia, tan Nia loron seidauk too.

João 7:45

Liu tiha nee, ema seguransa iha Uma Kreda Boot nebee atu baa kaer Jesus nee, fila fali ba nai lulik nia xefi sira ho ema Farizeu sira. I ema boot sira nee husu, “Nusaa mak imi la lori Nia mai?”

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Efezu 6:12

Tanba ita funu, laos hasoru ema. Maibee ita funu hasoru forsa sira hosi diabu nian nebee ita la haree, hasoru espiritu aat oi-oin nebee ukun iha nakukun laran.