Lucas 22:41 - Biblia Tetun Dili

⁴¹ Depois Jesus hadook aan ituan hosi sira, i Nia hakneak hodi halo orasaun, dehan,

Lucas 22:41 Iomraidhean Croise

Mateus 26:39

Jesus lao tan ba oin ituan, depois Nia hakneak i taka oin ba rai hodi halo orasaun dehan, “Hau nia Aman, se bele karik hasai tiha terus ida nee hosi Hau. Maibee la bele tuir Hau nia hakarak, tuir deit Ita Boot nia hakarak.”

Marcos 14:35

Depois Jesus hakat ituan ba oin. Nia hakneak ba rai, i halo orasaun ho laran susar. Nia dehan nunee, “Apaa doben. Se Apaa hataan, Hau lalika simu terus too mate hanesan nee. Hau hatene nanis ona katak Apaa bele halo buat hotu-hotu. Nunee, se bele, Apaa hasai tiha terus nee hosi Hau. Maibee la bele tuir Hau nia hakarak. Tuir deit Apaa nia hakarak.”

Lucas 18:11

Ema Farizeu nee hamriik hodi halo orasaun nunee, ‘Maromak, hau agradese ba Ita Boot, tanba hau laos hanesan ema sira seluk. Hau laos naok-teen, laos ema aat, la halo sala ho ema nia kaben, no la hanesan kobrador impostu ida nebaa.

Lucas 18:13

Maibee kobrador impostu nee hamriik hosi dook, i la brani foti matan ba leten. Nia hakruuk i baku nia hirus matan, ho laran tristi teb-tebes tanba nia halo ona sala. I nia harohan dehan, ‘Maromak, hau ema sala nain. Hadomi hau baa.’

Apostolu sira nia Istoria 20:36

Paulo koalia hotu nunee, nia hakneak hodi halo orasaun hamutuk ho sira.

Apostolu sira nia Istoria 21:5

Liu tiha semana ida, sarani sira hotu, mane-feto, kiik-boot, katuas-ferik ho foin sae, sira akompanha ami too iha tasi ibun. Iha nebaa, ami hotu hakneak hodi halo orasaun hamutuk.

Apostolu sira nia Istoria 7:60

Nia hakneak, i hakilar ho lian makaas dehan, “Aman Maromak, la bele foo sala nee ba sira!” I nia mate.

Apostolu sira nia Istoria 9:40

Pedro haruka sira hotu sai hosi kuartu nee, i nia hakneak hodi halo orasaun. Hotu tiha, nia see oin ba mate nee hodi hatete, “Tabita, hadeer ona!” Derepenti deit, senhora nee loke nia matan. Bainhira nia haree Pedro, nia hadeer baa tuur kedas.

Ebreu 5:7

Bainhira Jesus sei moris iha mundu nee nudar ema, Nia harohan ho tanis hakilar ba Nai Maromak, tanba Nai Maromak mak bele salva Nia hosi mate. I Nai Maromak rona Nia orasaun, tanba Jesus haraik aan hodi hakruuk ba Maromak.